Өфөлә социаль туризм мәсьәләләре буйынса беренсе бөтә Рәсәй форумы асыласаҡ

Любовь Колоколова

Өфөлә 15 декабрҙә социаль туризм мәсьәләләре буйынса беренсе бөтә Рәсәй форумы асыла. Баш ҡаланың Конгресс-холына илдең төрлө төбәктәренән 200-ҙән ашыу ҡатнашыусы йыйылған. Улар араһында федераль үҙәк вәкилдәре, сит илдәрҙән туризм өлкәһендәге халыҡ-ара эксперттар ҙа бар.

Бынан тыш, форум эшендә Башҡортостандың министрлыҡ һәм ведомство етәкселәре, республиканың муниципаль берәмек башлыҡтары, Рәсәй Федерацияһы субъекттарының йәмәғәт ойошмалары һәм бизнес өлкәһе, мәғариф һәм ғилми учреждениелары вәкилдәре ҡатнашасаҡ.

Иҫегеҙгә төшөрәбеҙ, сара Башҡортостан Республикаһы Хакимиәте башланғысы менән ойошторола, төп ойошторусы булып Туризм буйынса федераль агентлыҡ сығыш яһай.

Форумдың тәүге көнөндә бер нисә сара үткәреләсәк: «Рәсәй Федерацияһында социаль туризмды үҫтереү. Проблемалар һәм уларҙы хәл итеү юлдары» темаһына пленар ултырыш; Туризм буйынса федераль агентлыҡ менән Башҡортостан Республикаһы Хөкүмәте араһында туризм өлкәһендә хеҙмәттәшлек итеү тураһында килешеүгә ҡул ҡуйыу; «Рәсәй Федерацияһында эске һәм ситтән килеү туризмын үҫтереү (2011-2018 йылдар)» федераль маҡсатлы программаны тормошҡа ашырыу мәсьәләләре буйынса төбәк-ара кәңәшмә; Башҡортостанда туризмды үҫтереүҙә күрһәткән хеҙмәттәр өсөн федераль һәм республика наградаларын тапшырыу тантанаһы; Башҡортостан Республикаһының Волга буйы федераль округында Рәсәй Федерацияһы субъекттарының туризм өлкәһендә хеҙмәттәшлек итеүе тураһындағы килешеүҙә ҡатнашыусылар иҫәбенә рәсми рәүештә инеү тантанаһы.

Башҡортостан Республикаһының Эшҡыуарлыҡ һәм туризм буйынса дәүләт комитетынан хәбәр итеүҙәренсә, икенсе көнөндә форум сиктәрендә саралар Өфөнөң «Йәшел сауҡалыҡ» шифаханаһы биләмәһендә дауам итәсәк. Федераль һәм республика киң мәғлүмәт саралары, шулай уҡ төбәктәрҙең туризм индустрияһы вәкилдәре өсөн күсмә сессия ойоштороласаҡ.

Шулай уҡ форум сиктәрендә туризмды үҫтереү өлкәһендәге төрлө мәсьәләләр буйынса түңәрәк өҫтәлдәр һәм семинарҙар үтәсәк. Сарала ҡатнашыусылар һәм ҡунаҡтар өсөн мәҙәни программа ла ҡаралған.

Конгресс-холл фойеһында Башҡортостандың туристик-рекреацион мөмкинлектәре күргәҙмәһе эшләй.

Республикала социаль туризмды үҫтереү программаһы ағымдағы йылдың апрель айында әҙерләнде һәм ҡабул ителде. Был проект бөгөнгө көндә тик Башҡортостанда ғына эшләп килә.

#социаль туризм #форумдар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.