Четверг, 30 Июля 2026

Уфа

+21 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Последние новости

Төп бит/Иҡтисад

18:39 (UTC+5), 13 Декабря 2011

Рөстәм Хәмитов Финляндия делегацияһы менән осрашты

Ғәлиә Нәбиева

13 декабрҙә Башҡортостан Президенты Рөстәм Хәмитов Финляндияның Европа эштәре буйынса һәм тышҡы сауҙа министры Александер Стубб етәкселегендәге рәсми делегация вәкилдәре менән иҡтисади хеҙмәттәшлек мәсьәләләрен тикшерҙе. Башҡортостан Президенты ҡунаҡтарҙы республиканың иҡтисади һәм сәнәғәт ҡеүәттәре менән таныштырҙы. Бөгөн Башҡортостан халыҡ иҫәбе буйынса Рәсәй Федерацияһында етенсе урын биләй, ә сәнәғәт етештереү күләмдәре буйынса ул алдынғы ун төбәк иҫәбендә. Республика башлығы, төбәк иҡтисадының нигеҙен күп йылдар дауамында нефть сығарыу һәм уны эшкәртеү тәшкил итте, һуңынан уларға нефть химияһы өҫтәлде, тип билдәләне. Был тармаҡтан алынған табыш республика бюджетының 30 процентын тәшкил итә.

Иҡтисад үҫешенең икенсе мөһим йүнәлеше – машиналар эшләү. Был иң элек авиация двигателдәре, вертолеттар эшләү заводтары, нефть сығарыу һәм эшкәртеү өсөн ҡорамалдар сығарыу.

Рөстәм Хәмитов Финляндиянан килгән ҡунаҡтарҙы ауыл хужалығы производствоһының тарихи традициялары менән таныштырҙы һәм, Башҡортостан күпләп иген, ит һәм һөт етештерә һәм был күрһәткестәр буйынса Рәсәйҙең иң яҡшы биш субъектына инә, тип билдәләне.

Президент әйтеүенсә, республиканың яртыһын тиерлек урман алып тора, әммә уны эшкәртеү базаһы әлегә көслө түгел. Ошоноң арҡаһында ул Башҡортостан территорияһында ағас эшкәртеү буйынса яңы производстволар булдырыуҙы мөмкин булған хеҙмәттәшлек йүнәлештәренең береһе итеп күрә.

— Финляндиялағы ағас эшкәртеү технологияларының кимәле юғары баһаға лайыҡ, — тине Рөстәм Хәмитов.

Осрашыуҙа билдәләнеүенсә, ауыл хужалығы, төҙөлөш һәм төҙөлөш материалдары етештереү өлкәһендә лә Башҡортостан менән Финляндияның хеҙмәттәшлек итеү өсөн ҙур потенциалы бар. Быға республиканың инвесторҙар өсөн асыҡ булыуы ла булышлыҡ итә. Башҡортостан Президенты инвесторҙар өсөн ярайһы ҙур ташламалар ҡаралған норматив документтарға ла туҡталды. Рөстәм Хәмитов төбәк башлығы булараҡ республикала эшләү өсөн уңайлы шарттарҙы гарантиялауын һыҙыҡ өҫтөнә алды. Эшҡыуарлыҡ эшмәкәрлегендәге административ кәртәләрҙе бөтөрөүҙе Башҡортостан Хөкүмәте лә контролдә тота.

— Башҡортостан – бик һәйбәт тәбиғи, эшлекле һәм иҡтисади мөхит булдырылған ҡунаҡсыл республика, — тип билдәләне Рөстәм Хәмитов. – Һеҙҙең менән эшлекле мөнәсәбәттәр булдырыу беҙҙең өсөн ҡыуаныслы булыр ине.

Финлядия Республикаһы делегацияһы башлығы Александер Стубб Башҡортостанға 20 эре фин компанияларынан вәкилдәр килеүе тураһында һөйләне. Улар төҙөлөш, энергетика, ағас эшкәртеү, логистика, транспорт хеҙмәттәре өлкәһендә эшләй.

— Визит дауамында беҙҙең предприятиелар уртаҡ тел табыр, тип ышанам, — тине Стубб әфәнде.

Финляндия делегацияһының визиты сиктәрендә Башҡортостан — Финляндия эш төркөмө кәңәшмәһе үткәреләсәк. Уның барышында хеҙмәттәшлек итеүҙең аныҡ йүнәлештәре билдәләнәсәк. Уларҙың ҡайһы берәүҙәре тураһында әлеге осрашыуҙа ла әйтелде. Атап әйткәндә, Башҡортостан предприятиеларын Финляндияла презентациялау мөмкинлеге ҡаралды.

1 из 20

#бр президенты #тышҡы иҡтисади бәйләнештәр #визиттар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.