Башҡортостан һәм Өфө яңылыҡтары
70.52
+0.92
76.3
+0.52
85.47
+0.01
-8 °C
Болотло
Бөтә яңылыҡтар
Иҡтисад
22 Ноябрь 2011, 10:17

Башҡортостан – бер кешегә иҫәптә түләүле хеҙмәттәр күләме буйынса Волга буйы федераль округында икенсе урында

Башҡортостан халҡына 141,2 миллиард һумлыҡ түләүле хеҙмәттәр күрһәтелгән, тип хәбәр иттеләр Башҡортостанстатта. Был күрһәткес уҙған йылдағына ҡарағанда 1,1 процентҡа күберәк. Республика бер кешегә иҫәптә түләүле хеҙмәттәр күләме буйынса Волга буйы федераль округы төбәктәре араһында икенсе урын биләй. Башҡортостанда йыл башынан ул 34,7 мең һумды тәшкил иткән, шул уҡ мәлдә уларҙың 3,9 меңе көнкүреш характерындағы хеҙмәттәргә тура килә.
Статистиктар мәғлүмәттәре буйынса, коммуналь, транспорт, элемтә, көнкүреш һәм торлаҡ хеҙмәттәре (76,3%) иң күп ҡулланылғандары булып ҡала. Шул уҡ ваҡытта физкультура һәм спорт менән шөғөлләнеүгә (16,7 процентҡа), санатор-һауыҡтырыу ( 9,3 процентҡа) һәм ҡунаҡханалар хеҙмәтенә лә һорау арта.
Түләүле хеҙмәттәр баҙарында бәләкәй эшҡыуарлыҡ субъекттары ла әүҙем эшләй. Дөйөм хеҙмәттәрҙең 52,4 проценты уларҙың өлөшөнә тура килә.
Автор:Ғәлиә Нәбиева
Читайте нас в