Республикала халыҡтың финанс белемен арттырыу буйынса программа раҫланды

Ғәлиә Нәбиева

Башҡортостан Хөкүмәте «2011-2013 йылдарға Башҡортостан халҡының финанс белем кимәлен арттырыу» республика маҡсатлы программаһын раҫланы. Был хаҡта Милли банкыла үткән матбуғат конференцияһында республиканың финанстар министры урынбаҫары Рөстәм Аҡбашев хәбәр итте.

Ул төбәк халҡының финанс белемен арттырыуға йүнәлтелгән программаның биш төп этабында туҡталды. Тәү сиратта мәғлүмәт-консультация үҙәктәре булдырыласаҡ. Бындай үҙәктәр ауылдарҙа ойошторолған да инде. Ауыл хужалығы идаралығы нигеҙендә белгестәр халыҡҡа субсидия, дотациялар хаҡында мәғлүмәт бирә, документтар юллауҙа ярҙам итә.

Банк продукттарын пропагандалау өсөн махсус баҫма продукция булдырылған. Уны таратыу шулай уҡ республика программаһының бер этабы булып тора. Мәктәп уҡыусылары ла финанс белем аласаҡ. Шулай уҡ «Өсөнсө быуын халыҡ университеты»на йөрөүсе пенсионерҙар өсөн курстар планлаштырыла. Интернет менән ҡулланыусылар махсус порталға инеп финанс белемдәрен арттыра ала.

Республика программаһы сиктәрендә социологик тикшеренеүҙәр ҙә планлаштырылған. Улар республикала финанс хеҙмәттәрен ҡулланысылар менән кире бәйләнеш булдырырға ярҙам итәсәк.

Программа өс йылға иҫәпләнгән. Күҙалланыуынса, финанслау күләме 19 миллион 630 мең һум тәшкил итә. Шуларҙың 9 миллионы республика бюджетынан йүнәлтеләсәк, ҡалғандары бюджеттан тыш сығанаҡтарға тура килә. Йыл аҙағынаса был маҡсаттарға 1 миллион 720 мең һум йәлеп ителәсәк.

Республика халҡының финанс белеменә сығымдарҙың бер нисә тапҡырға артыуы ла ихтимал. Милли банк рәйесе Рөстәм Мәрҙәнов әйтеүенсә, Рәсәйҙең өс төбәгендә финанс белемде арттырыу буйынса пилот проекты торомошҡа ашырыла. Алдағы арала ул йәнә 8 төбәкте үҙ эсенә аласаҡ. Потенциаль ҡатнашыусылар араһында Башҡортостан да бар.

#финанстар һәм банкылар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.