Башҡортостан аграрийҙары тәүге ҡарҙа көнбағыш йыйыуҙы тамамлай

Ғәлиә Нәбиева

Тәүге ҡар Урал аръяғы райондары аграрийҙарына иң һуң өлгөрөүсе техник культура – көнбағыш йыйыуҙы тамамларға ҡамасауламаясаҡ. Урып һуғыу эштәрен тәүге һыуыҡтарҙа ла алып барырға мөмкин. Хәтерегеҙгә төшөрәйек, кисә көньяҡ-көнсығыш райондарҙың күбеһендә ҡар яуҙы. Әбйәлил районында 1,5-2-сантиметр ҡалынлығында ҡар һалған.

— Беҙгә 3 меңгә яҡын гектарҙа көнбағыш йыйып алырға ҡалды, — тип хәлдәргә аңлатма бирҙе райондың ауыл хужалығы идаралығы начальнигы Ирек Хәсәнов. – Был культураның ҙур өлөшө «Красная Башкирия» ауыл хужалығы етештереү кооперативына тура килә. Быйыл хужалыҡ гибридты уңышлы һайламаны, өлгөрөү ваҡыты оҙаҡҡа һуҙылды. Әммә был баҫыуҙарҙағы техник культураның уңышы яҡшы – гектарынан 20 центнерға тиклем.

Ауыл хужалығы идаралығы башлығының әйтеүенсә, урып һуғыу техникаһы етерлек. «Красная Башкирия»ның үҙендә генә яңы 6 комбайн баҫыуға сығырға әҙер. Көнбағыштың дымлылығы кәмеһен өсөн, әле агрономия хеҙмәте минус етегә тиклем һыуытыуын көтә, был урып һуғыуҙы күпкә еңеләйтәсәк һәм көнбағыш орлоғо сифаттарын яҡшыртасаҡ.

БР Ауыл хужалығы министрлығы белгестәре, Урал аръяғы райондарында һауа торошоноң үҙгәреүе көнбағышты урып йыйыу темптарына йоғонто яһамаясаҡ, тип иҫәпләй. Көнбағыш сәселгән майҙандар ҙур түгел, шуға күрә ураҡ эштәрендә өҙөклөктәр булыр, тигән хәүеф юҡ, тип хәбәр иттеләр ведомствоның матбуғат хеҙмәтенән.

#көнбағыш #ҡар #ауыл хужалығы #урал аръяғы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.