Иртәгә «Башнефть» акционерҙар нефть компанияһы стипендиаттары тәбрикләнәсәк

Шаршамбы, 26 октябрҙә, Өфө дәүләт нефть техник университетында «Башнефть» акционерҙар нефть компанияһы асыҡ акционерҙар йәмғиәтенең исемле стипендиялары сертификаттарын тапшырыу тантанаһы үтәсәк.

Стипендиаттарҙы наградлау тантанаһында «Башнефть» акционерҙар нефть компанияһы асыҡ акционерҙар йәмғиәте президенты Александр Корсик, компанияның вице-президенттары, ӨДНТУ етәкселеге һәм нефть сәнәғәте ветерандары ҡатнашырға теләк белдергән. Рәсми өлөштән һуң университет студенттары һәм «Башнефть» ветерандары беренсе девон нефте сыҡҡан тарихи урынға –«Туймазынефть» нефть-газ табыу идаралығының 100-сө скважинаһына һәм Октябрьский ҡалаһындағы нефть шламдарын эшкәртеү буйынса заводҡа экскурсия яһаясаҡ.

Үткәреү урыны – Өфө, Космонавтар урамы, 1, ӨДНТУ-ның конференц-залы.

Башлана – сәғәт 10-да.