69.55
-0.58
80.7
-1.04
85.52
-0.88
1+ °C
Болотло
Бөтә яңылыҡтар
Иҡтисад
26 Сентябрь 2011, 14:39

Дөйөм ҡала өмәһе Өфөлә 120 мең кешене йыйҙы

24 сентябрҙә үткән дөйөм ҡала өмәһендә Өфөлә 120 меңдән ашыу кеше ҡатнашты. Ҡаты көнкүреш ҡалдыҡтары полигонына дүрт мең кубометрҙан ашыу сүп-сар сығарып түгелде.
— Был көндө сүп-сарҙан таҙартылған урам-юл селтәрҙәренең майҙаны - туғыҙ миллион квадрат метр самаһын, урман парктары һәм скверҙарҙыҡы 1 миллион 300 мең «квадратты» тәшкил итте. Бынан тыш, дөйөм ҡала өмәһендә ҡатнашыусылар 10 миллион квадрат метр самаһы майҙанда кварталдар араһы территорияларын, өс меңдән ашыу квартал араһы юлдарын һәм тротуарҙарҙы сүп-сарҙан таҙаланы, дүрт мең погон метрҙан ашыу ҡойманы һәм мең «квадраттан» ашыу фасадтарҙы ремонтланы. Ошо уҡ көндө республиканың баш ҡалаһында өс меңләп ҡыуаҡ һәм ағастар ултыртылды, — тип хәбәр итте «Башинформ» агентлығына Өфөнөң Коммуналь хужалыҡ һәм төҙөкләндереү идаралығының производсто-техник бүлеге баш белгесе Игорь Аристов.
Бынан бер көн алда, шулай уҡ биләмәләрҙе таҙалау һәм төҙөкләндереү айлығы сиктәрендә үткән санитар йомала, 43 меңгә яҡын өфөлө ҡатнашҡан. 550-нән ашыу махсус техника берәмеге файҙаланылған. Ике мең кубометрҙан ашыу сүп-сар ҡаты көнкүреш ҡалдыҡтары полигонына оҙатылған.
Автор:Галина Бахшиева