Башҡортостан уҡыусыларына финанс вуздарына имтиханһыҙ уҡырға инеү мөмкинлеге бирелә

Әлфиә Шәрәфетдинова

Илебеҙҙең өлкән класс уҡыусылары финанс баҙары буйынса бөтә Рәсәй олимпиадаһында ҡатнашыуға саҡырыла. Заявкалар ҡабул ителә башлаған һәм 17 октябрҙә тамамланасаҡ. Ҡатнашыу өсөн олимпиада сайтында теркәлеү мотлаҡ. Уның ойоштороусылары булып Рәсәйҙең Финанс баҙарҙары буйынса федераль хеҙмәте һәм Фонд баҙары һәм идараһы институты сығыш яһай.

Ярыш бер нисә этаптан торасаҡ. Тәүге ике туры ситтән тороп ҡатнашыусылар өсөн: бында онлайн режимда тест үтергә һәм һайланған темаға ижади эссе яҙырға кәрәк буласаҡ. Конкурстың өсөнсө этабы – финал. Ул 2012 йылдың мартында Мәскәүҙә үтәсәк һәм тест үтеүҙе, яҙма имтиханды һәм блиц-уйынды үҙ эсенә ала.

Финал һынау һөҙөмтәләре буйынса олимпиада еңеүселәре билдәләнәсәк. Призлы урындар өсәү, әммә уларға эйә булыусылар байтаҡҡа күберәк. Шулай итеп, беренсе дәрәжә дипломдар менән бүләкләнеүселәр иҫәбе финалда ҡатнашыусыларҙың дөйөм иҫәбенән ун процентты тәшкил итеүе ихтимал. Икенсе һәм өсөнсө дәрәжәләге дипломдарҙы дөйөм финалистар иҫәбенең 35 проценты самаһы аласаҡ.

Өлкән класс уҡыусыларына ярышта ҡатнашыуға сәбәп бар. Диплом һәм иҫтәлекле бүләктәрҙән тыш, улар «Белем биреү тураһында»ғы федераль законға ярашлы олимпиада профиленә тап килгән йүнәлештәр буйынса мәғариф учреждениеларына имтихандарһыҙ уҡырға инеү мөмкинлеген аласаҡ.

Быйылғы олимпиада етенсе тапҡыр үткәрелә. Йыл һайын был ярышта бөтә Рәсәйҙән өс меңгә яҡын уҡыусы ҡатнаша.

#олимпиадалар #финанстар #мәктәп уҡыусылары

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.