Силәбе өлкәһенең Ҡоншаҡ районына газ үтә

Тимур Рәхмәтуллин

Силәбе өлкәһенең Ҡоншаҡ районында газ үткәрелә башланы, тип хәбәр итте «Башинформ» агентлығына Башҡортостандың Силәбе өлкәһендәге Даими вәкиллегенең матбуғат секретары Михаил Хәбиров.

Май айында район биләмәһендә «Берҙәм Рәсәй» партияһының «Изге эштәр» проекты старт алды, уның нигеҙендә урындағы халыҡтың теләктәренән ҙур исемлек төҙөлдө. Районға газ үткәреү иң төп проблемаларҙың береһе тип билдәләнде.

Артабан Силәбе өлкәһе губернаторы Михаил Юревичтың Ҡоншаҡ районы хакимиәте башлығы Вадим Закиров менән осрашыуы үтте, унда район проблемалары ҡабаттан телгә алынды. Осрашыу йомғаҡтары буйынса төбәк башлығы районға 15 миллион һум күләмендә аҡса бүлергә ҡушты.

Михаил Хәбиров әйтеүенсә, яҡын арала Ҡоншаҡ ауылының Карл Маркс, Партизандар, Лермонтов урамдарына газ инә башлаясаҡ.

— Районға газ килеүе ауыл халҡының көндәлек тормошон ысын мәғәнәһендә модернизациялауҙы аңлата, — тип билдәләне ул.

Башҡортостан Республикаһының Силәбе өлкәһендәге даими вәкиле Мөхәмәтулла Хафизов әйтеүенсә, Ҡошаҡ районы – иң боронғо башҡорт ауыл хужалығы ерҙәренең береһе, Башҡортостан хөкүмәте башлығы Әхмәтзәки Вәлидов бойороғо менән 1917 йылда ойошторолған. Район Башҡорт АССР-ының Арғаяш кантоны составында була.

— 1956 йылда «Маяҡ» производство берекмәһе заводындағы радиацион һәләкәттән зыян күргән район өсөн, төп халыҡ өсөн газлаштырыу – ысын бүләк ул, — тип һыҙыҡ өҫтөнә алды Мөхәмәтулла Хафизов.

#газ үткәреү #рф төбәктәрендә башҡорттар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.