69.81
+0.26
81.03
+0.33
83.74
-0.84
1+ °C
Болотло
Бөтә яңылыҡтар
Иҡтисад
5 Сентябрь 2011, 14:27

Башҡортостанда таксистарҙың берҙәм реестры булдырыласаҡ

Пассажирҙарҙы еңел автомобилдәрҙә ташыуҙы көйләгән закондың көсөнә инеүе айҡанлы Башҡортостанда таксистарҙың берҙәм реестры булдырыласаҡ. Еңел автомобилдәрҙә пассажирҙар ташыусыларҙы республиканың Транспорт һәм юл хужалығы буйынса дәүләт комитеты барлаясаҡ.
— Әүәлгә тиклем бындай исемлек булманы, шуға күрә республикала таксилар һанын билдәләү ауыр ғына, - тип һөйләне «Башинформ» агентлығына комитет рәйесе урынбаҫары Андрей Быковский. – Беҙҙең иҫәпләүҙәр буйынса, 10-15 мең тирәһе рөхсәт ҡағыҙы кәрәк буласаҡ. Улар тик автомобилдәргә генә бирелә.
Реестр электрон рәүештә булдырыласаҡ. Үҙенең мәғлүмәттәре менән Дәүләт комитеты башҡа ведомстволар, мәҫәлән, ЮХХДИ менән дә бүлешмәксе.
— Реестр мәғлүмәттәренә рөхсәт алып, инспекторҙар автомобилдең пассажирҙар ташыуға рөхсәте булыу-булмауын еңел тикшерә ала, - тип асыҡланы Андрей Быковский. – Рөхсәттәре булмай тороп, пассажирҙар ташыу менән шөғөлләнгән таксистар штраф түләйәсәк.
Автор:Әлфиә Шәрәфетдинова