91.69
0
Башҡортостан һәм Өфө яңылыҡтары
98.56
0
83.63
+0.67
4+ °C
Болотло
Бөтә яңылыҡтар
Иҡтисад
24 Август 2011, 16:58
Азат Ҡотлоәхмәтов: «Ҡарт тирәктәрҙе ликвидациялау мәсьәләһе планға ярашлы хәл ителә»
Өфөнө ҡарт тирәктәр проблемаһы борсой, әммә ул планға ярашлы хәл ителә: ағастар йыл һайын ҡырҡыла, һәм был маҡсатҡа средстволар ҙа бүленә. Был хаҡта бөгөн «Ижтимағи электрон гәзит» (i-gazeta.com) сайтында үткән онлайн-конференцияла гәзит уҡыусыһы һорауына яуап итеп, БР тәбиғәттән файҙаланыу һәм экология министры Азат Ҡотлоәхмәтов белдерҙе.
Азат Ҡотлоәхмәтов билдәләүенсә, элегерәк ҡалалар һәм башҡа тораҡ пункттарҙы йәшелләндереү өсөн ҙур күләмдә тирәктәр ултыртылған, сөнки улар тиҙ үҫеү буйынса рекордсмендар. Уларҙы «ҡала үпкәһе» тип тә атағандар. Хәҙер, 40-50 йылдан һуң, уларҙың күбеһе авария хәлендә.
— Тирәктәрҙең үҙағасы ярайһы мурт булғанға күрә, төрлө сәбәптәр арҡаһында ҙур ботаҡтары һынып төшә, уларҙың юлдарға, автомобилдәргә, хатта кешеләр өҫтөнә төшкән осраҡтары ла булды, — тине министр.
Уның һүҙҙәренсә, быйыл Өфөлә 550 ҡарт тирәк бысылған. Уларҙы ҡырҡыу менән ҡаланың Коммуналь хужалыҡ идаралығы шөғөлләнә. Заявкалар йыйыуҙы ла улар алып бара.
— Ҡарт ағастарҙы ликвидациялауға аҡса етмәй, тип әйтмәҫ инем. Йыл һайын йөҙәрләгән ағас ҡырҡыла, әммә шуға ҡарамаҫтан проблема ҡала әле, — тип билдәләне Азат Ҡотлоәхмәтов.
Шуныһы ла бар, йәй башында бар ҡаланы баҫҡан аллергияға булышлыҡ итеүсе тирәк мамығы кеүек етди проблема ла ошо ағастарға бәйле. Ябай тирәктәрҙең альтернативаһы – уның пирамидаль төрҙәре. Өфө халҡы ла, урындағы властар ҙа йәшел, төҙөкләндерелгән ҡала статусын һаҡлап ҡалырға теләй.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».