Андрей Реус: «Тармаҡтың алюмин һәм титан ҡойоу эштәре Өфө моторҙар эшләү берекмәһендә тупланасаҡ»

Любовь Колоколова

Авиадвигателдәр һәм вертолеттар эшләү өсөн алюмин һәм титан ҡойоу эштәре биш йыл дауамында «Өфө моторҙар эшләү производство берекмәһе» асыҡ акционерҙар йәмғиәтендә тупланасаҡ. Был хаҡта кисә «МАКС-2011» халыҡ-ара авиация-йыһан салоны сиктәрендә үткән матбуғат конференцияһында «Оборонпром» берләштерелгән сәнәғәт корпорацияһы» һәм «Берләштерелгән двигателдәр эшләү корпорацияһы» идара компанияһы» асыҡ акционерҙар йәмғиәттәренең генераль директоры Андрей Реус хәбәр итте.

Уның әйтеүенсә, «ӨМЭПБ» асыҡ акционерҙар йәмғиәте бөгөндән үк бының өсөн кәрәкле компетенцияларға эйә һәм тармаҡтың башҡа предприятиелары менән сағыштырғанда үрҙә билдәләнгән өлкәләрҙә иң һөҙөмтәлеһе булып тора.

— Биш йыл эсендә илдәге башҡа ҡойоу предприятиеларын ябасаҡбыҙ һәм двигателдәрҙекен дә, вертолеттар производствоһын да бында туплаясаҡбыҙ, – тине Андрей Реус.

Өфө моторҙар эшләү производство берекмәһенең корпоратив коммуникациялар идаралығы хәбәр итеүенсә, «Берләштерелгән двигателдәр эшләү корпорацияһы» идара компанияһы» асыҡ акционерҙар йәмғиәтенең проект комитеты берекмәлә алюмин һәм титан ҡойоуҙың технологик компетенция үҙәген ойоштороу тураһындағы ҡарарҙы быйыл яҙ ҡабул иткән. «Өфө моторҙар эшләү производство берекмәһе» асыҡ акционерҙар йәмғиәтенең сәнәғәт ҡеүәттәре һәм заманса корпустары Берләштерелгән двигателдәр эшләү корпорацияһы предприятиеларының һәм «Оборонпром» төркөмөнөң алюмин һәм титан ҡойолмаларға булған ихтыяжын 2016 йылда уҡ тулыһынса тәьмин итергә мөмкинлек бирәсәк.

Шуны ла өҫтәп үтәйек, технологик компетенциялар үҙәктәрен ойоштороу Берләштерелгән двигателдәр эшләү корпорацияһы стратегияһының бер элементы булып тора.

#сәнәғәт #авиадвигателдәр эшләү #макс-2011

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.