Башҡортостанда иң ҙур урман янғынын әлегә һүндерә алмайҙар

Үткән тәүлектә республикала өс урман янғынының икәүһе генә һүндерелгән. Икеһе лә дүшәмбе, 15 августа, асыҡланған. Тәүгеһе Краснокама районының Николо-Березовка участка урман хужалығында һүндерелгән. Уттан һигеҙ гектар урман зыян күргән. Янғынды һүндереүҙә ун кеше ҡатнашҡан, янғынға ҡаршы өс техника берәмеге ҡулланылған.

Ейәнсура районының Байыш участка урман хужалығында сыҡҡан янғын 2,5 гектар урманды ялмап алған. Уны һүндереүҙә 16 кеше ҡатнашҡан, биш махсуслаштырылған техника берәмеге файҙаланылған. Ут яңынан тоҡанып китмәһен өсөн әлеге ваҡытта янғын булған ике урында ла дежурлыҡ ойошторолған.

Шәмбе, 13 августа, Йылайыр районында асыҡланған урман янғынын әле булһа һүндерә алмайҙар. Йыл башынан алып республикала был иң ҙур янғын иҫәпләнә. Ут ялмап алған дөйөм майҙан 33 гектар тәшкил итә. Янғын һүндереүҙә 30 кеше ҡатнаша, 11 техника берәмеге ҡулланыла. БР Ауыл хужалығы министрлығынан хәбәр итеүҙәренсә, әлеге ваҡытта янғын таралыуҙан туҡтатылған.

Йыл башынан республикала йәмғеһе 74 урман янғыны асыҡланған, уларҙан 468 гектарҙан ашыу урман зыян күргән.

#урман янғындары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.