Башҡортостан бизнес өсөн уңайлы шарттары булған ун төбәк иҫәбенә инә

Любовь Колоколова

«Рәсәй терәге» Дөйөм Рәсәй йәмәғәт ойошмаһының бәләкәй һәм урта бизнесты үҫтереү шарттары буйынса 40 төбәк араһында үткәргән рейтингына ярашлы Башҡортостан Республикаһы эшҡыуарлыҡ өсөн уңайлы шарттар булдырған Рәсәй төбәктәре араһында унынсы урында тора.

Тикшеренеү проектының төп маҡсаты – Рәсәй Федерацияһының төрлө субъекттарында эшҡыуарҙар фекеренә нигеҙләнеп, бизнес-климат сифатын баһалау. Проект бәләкәй һәм урта бизнес предприятиеһы етәкселәренән һәм шәхси эшҡыуарҙарҙан һорау алыу һөҙөмтәләренә нигеҙләнгән.

Белгестәр билдәләүенсә, бәләкәй һәм урта бизнес үҫешенә йоғонто яһаусы өс фактор бар: төбәктә һорау менән ҡулланыу шарты, иҡтисадтың тармаҡ төҙөлөшө үҙенсәлеге, төбәк бизнес-климаты.

Башҡортостан Республикаһында, тикшеренеү һөҙөмтәләре буйынса, бәләкәй һәм урта бизнес үҫешендә кеше һәм финанс ресурстары дефициты, транспорт-логистика һәм энергия инфраструктураһы төп проблемалар булып тора. Республикала эшҡыуарҙар бәләкәй һәм урта бизнесҡа дәүләт ярҙамы күрһәтеү программаларын яҡшы белә. Тикшеренеүселәр шулай уҡ төбәктә бәләкәй һәм урта бизнес үҫеш мәсьәләләренә иғтибар бүленеүен билдәләй.

Төп күрһәткестәр буйынса Башҡортостан бизнес-климатына ыңғай баһа бирелә.

Бынан тыш, Рәсәйҙең миллионлы ҡалалары араһында ла ошондай уҡ рейтинг үткәрелгән. Бында Өфө бишенсе урында тора. Тикшеренеүселәр Башҡортостан баш ҡалаһының киләсәктә Ҡаҙан, Һамар һәм Омск ҡалалары менән бер рәттән лидерҙарға конкурент була алыуын билдәләй. Дөйөм алғанда Өфөлә бәләкәй һәм урта бизнес үҫеше өсөн шарттар сифатын «уртасанан юғарыраҡ» тип баһалай улар.

#эшҡыуарлыҡ #рейтингтар #«рәсәй терәге»

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.