Кесе йома, 16 Апрель 2026

Өфө

+5 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Иҡтисад

12:44 (UTC+5), 19 Июль 2011

Өфөлә автокомпоненттар етештереү буйынса яңы цех асылды

Евгений Рәхимҡолов | фото: Олег Яровиков

Өфөлә «Witzenmann» немец компанияһының автокомпоненттарын етештереү буйынса производствоның икенсе сираты асылды. Уны асыу тантанаһында Башҡортостан Президенты Рөстәм Хәмитов ҡатнашты.

Яңы цехта Рәсәй биләмәһендә йыйылған «ВАЗ», «Ford», «Volkswagen», «Renault», «Hyundai» кеүек һәм башҡа автомобилдәрҙең газ сығарыу системаһының компенсаторҙары өсөн экрандар һәм сильфондар етештереләсәк. Цех 100-ләгән кешене эш менән тәьмин итәсәк.

— Бөгөн республикабыҙ иҡтисадына ҙур өлөш индерәсәк тағы ла бер цехҡа нигеҙ һалынды, - тине Рөстәм Хәмитов цехты асыу тантанаһында. – Был бик мөһим ваҡиға, сөнки бөгөн Рәсәй Федерацияһында сығарылған һәр бер автомобилде тиерлек конденсация һәм газ сығарыу системаларының мөһим элементтары менән тәьмин итәсәк юғары технологиялы, заманса предприятиеның икенсе сираты асыла. Был бик мөһим һәм ҡыҙыҡлы, тип иҫәпләйем. Оҙаҡламай бында предприятиеның өсөнсө сиратын да асырбыҙ, тип ышанам.

«Witzenmann» компанияһы инвестицион проекттарын Башҡортостан территорияһында 2003 йылдан башлап тормошҡа ашыра. Автокомпоненттар етештереүҙән тыш, ул нефть-газ химияһы һәм ҡара металлургия предприятиелары өсөн кәрәк булған башҡа әйберҙәрҙе лә етештерә.

Шулай уҡ предприятиены асыу тантанаһында ҡатнашҡан Германияның Рәсәй территорияһындағы генераль консулы Рената Шимкорайт һүҙҙәренә ҡарағанда, уның нигеҙенә тәүге таш ике йылдан ашыу элек һалынған. Ул ваҡытта цех төҙөү яҡын арала хәл ителәсәк мәсьәлә тип күҙалланғайны. Ләкин иҡтисади көрсөк арҡаһында компания үҙенең инвестицион проекттарын Рәсәй биләмәһендә тормошҡа ашырыуҙы туҡтатып торорға мәжбүр булды, һәм предприятие быйыл ғына төҙөлөп бөттө.

Хәҙер, иҡтисади хәл яҡшыра төшкәс, «Witzenmann» компанияһы беҙҙең республика территорияһында етештереүҙе арттырырға планлаштыра. Башҡортостан иҡтисадына һалынасаҡ компания инвестицияларының дөйөм күләме ағымдағы йылдың аҙағына 250 миллион һум тәшкил итергә тейеш. Ә 2012 йылда яңы цех эргәһендә Өфөлә уға оҡшаш тағы ла бер участка төҙөләсәк, ул 30-50 кеше өсөн эш урындарын булдырырға мөмкинлек бирәсәк.

Рөстәм Хәмитов яңы цех менән танышты, «Witzenmann» изделиеларының береһенә автограф та ҡуйҙы һәм немец партнерҙарына сираттағы етештереү линияһы нигеҙенә беренсе ташты тиҙерәк һалыуҙарын теләне.

1 из 18

#башҡортостан президенты #автокомпоненттар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.