Башҡортостан сауҙа ассоциацияһы һатып алыусыларҙы республикала етештерелгән продукцияны алырға саҡыра

Любовь Колоколова

Башҡортостан сауҙа ассоциацияһы 14 июлдә «Аҙыҡ-түлек баҙарында Башҡортостан Республикаһы етештереүселәренең продукцияһын һатыу тураһында» темаһына түңәрәк өҫтәл үткәрҙе.

Башҡортостан Президенты Рөстәм Хәмитовтың аҙыҡ-түлек баҙарында маҡсатлы рәүештә үҙебеҙҙең республикала етештерелгән продукцияны һатырға кәрәк, тигән тәҡдиме сараны үткәрергә сәбәп булды.

Түңәрәк өҫтәл эшендә ассоциация ағзалары ҡатнашты – сауҙа селтәрҙәре һәм баҙар етәкселәре, Башҡортостандың Һөтсөлөк союзы һәм Икмәк бешереүселәр союзы вәкилдәре, Ауыл хужалығы министрлығы, БР Сауҙа һәм ҡулланыусыларҙың хоҡуҡтарын яҡлау буйынса дәүләт комитеты, Өфө хакимиәте вәкилдәре ҡатнашты.

Түңәрәк өҫтәлдә ҡатнашыусылар төп теманы тикшереү һөҙөмтәләре буйынса ҡарарҙар ҡабул итте. Беренсенән, республикала етештерелгән продукцияны популярлаштырыу маҡсатында әлеге йылдың 25 июленән «Үҙебеҙҙекен һайла – үҙебеҙҙекен һатып ал!» акцияһын тәҡдим итергә һәм башлап ебәрергә.

20 июлгә тиклем акцияны тормошҡа ашырыу тураһындағы положение әҙерләнергә: акцияла республика предприятиеларының, сауҙа ойошмаларының һәм етештереүселәрҙең ҡатнашыу шарттары тураһында, һәм берҙәм макет һәм эмблема раҫланырға тейеш.

Икенсенән, сауҙа предприятиеларына һәм етештереүселәргә «Үҙебеҙҙекен һайла – үҙебеҙҙекен һатып ал!» акцияһын хуплап, магазиндарҙы тейешенсә биҙәргә тәҡдим ителде, мәғлүмәти ярҙам күрһәтеүҙе ойошторорға кәрәк.

БР Ауыл хужалығы министрлығына продукция ассортименты менән ҡуша республика етештереүселәренең берҙәм реестрын булдырырға тәҡдим ителде. Был сауҙа компанияларына баҙар буйынса тулы һәм ышаныслы мәғлүмәт бирер һәм артабан килешеп эшләү мөмкинселеге тыуһын өсөн эшләнә.

Бынан тыш, Башҡортостанда етештерелгән аҙыҡ-түлек продукцияһы, етештереүселәр, сертификация, яңы сыҡҡан продукция, аҙыҡ-түлек сифаты һәм хәүефһеҙлеге тураһында барлыҡ мәғлүмәт булған Берҙәм мәғлүмәт үҙәген булдырырға кәрәк.

#сауҙа #аҙыҡ-түлек баҙары #түңәрәк өҫтәлдәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.