БР Хөкүмәтендә юл хәүефһеҙлеге мәсьәләләре тикшерелде

"Башинформ"

4 июлдә Башҡортостан Хөкүмәтендә Премьер-министр Азамат Илембәтов рәйеслегендә үткән оператив кәңәшмәлә юл хәүефһеҙлеге мәсьәләләре тикшерелде.

БР буйынса Эске эштәр министрлығының ЮХХДИ идаралығы начальнигы Динар Ғилметдинов әйтеүенсә, юл хәрәкәте менән идара итеү буйынса интеллектуаль автоматлаштырылған системаның беренсе сиратын булдырыу ҙур ҡалалар урамдары һәм юлдарындағы транспорт коллапсы кеүек заман проблемаһына һөҙөмтәле яуап буласаҡ.

— Пермь крайында тейешле тәжрибә тупланған. Беҙ уны иғтибар менән өйрәндек, — тине республиканың баш автоинспекторы.

БР Транспорт һәм юл хужалығы буйынса дәүләт комитеты рәйесе Ильяс Мөниров автомобиль юлдары сифаты буйынса борсоулы статистик мәғлүмәттәр килтерҙе.

— Әлеге ваҡытта төбәк-ара һәм муниципаль-ара әһәмиәттәге юлдар буйынса норматив талаптарға яуап биргән юлдар өлөшө - 21 процент, ә урындағы әһәмиәттәге юлдар буйынса дөйөм оҙонлоҡтан 11 процент тәшкил итә, — тине Ильяс Мөниров.

Комитет рәйесе һүҙҙәренсә, ағымдағы йылда ремонттан һуң 350 километрҙан ашыу юлдарҙы сафҡа индереү планлаштырыла. Шул уҡ ваҡытта йыл һайын башҡарыласаҡ минималь ремонт күләме 1500 километрҙан кәм булмаҫҡа тейеш. Ильяс Мөниров хәбәр итеүенсә, әле 2030 йылға тиклем Башҡортостан республикаһында дөйөм файҙаланыуҙағы автомобиль юлдарын үҫтереү һәм камиллаштырыу стратегияһы проекты әҙерләнә.

Азамат Илембәтов бер нисә министрлыҡ һәм ведомстволарға республикала юл хәрәкәтен контролдә тотасаҡ күләмле видеомониторинг системаһын ойоштороу буйынса тәҡдимдәр индерергә ҡушты, тип хәбәр итә Башҡортостан Хөкүмәтенең матбуғат хеҙмәте.

#бр хөкүмәтендә #кәңәшмәләр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.