92.05
+0.27
Башҡортостан һәм Өфө яңылыҡтары
98.64
+0.62
83.57
-0.1
1+ °C
Болотло
Бөтә яңылыҡтар
Иҡтисад
27 Июнь 2011, 11:30
«ИКЕА» август башында асыласаҡ
25 июндә Өфөлә Башҡортостан Президенты Рөстәм Хәмитов IKEA-ның Рәсәйҙәге идарасы директоры Пер Вендшлаг менән осрашты. Осрашыу барышында бөтә донъяға билдәле сауҙа селтәре вәкиленә Өфөлә «ИКЕА» мегакомплексын сафҡа индереү тураһында ҡул ҡуйылған акт тапшырылды.
Башҡортостан Президенты Рөстәм Хәмитов әйтеүенсә, был объектты асыу буйынса эш күптән һәм ныҡышмал алып барылды.
— Күренеүенсә, тырышлығыбыҙ юҡҡа сыҡманы, маҡсатыбыҙға яҡынлаштыҡ, – тине Рөстәм Хәмитов «ИКЕА» вәкилдәренә актҡа ҡул ҡуйыр алдынан. – Республика Хөкүмәте өсөн һеҙгә ярҙам итеү бик мөһим. Был эш намыҫлы һәм асыҡ эшмәкәрлек һөҙөмтәһе булыуы менән әһәмиәтле. Беҙ Башҡортостандағы бизнесҡа һәр саҡ ярҙам күрһәтәсәкбеҙ.
Рөстәм Хәмитов, ғәҙеллек һәм асыҡлыҡ шарттары булдырырға кәрәк, тип билдәләне.
— Бизнес юлындағы барлыҡ ҡаршылыҡтарҙы алып ташлаясаҡбыҙ, – тип хәбәр итте республика башлығы. – Был бик ҡатмарлы, әммә кәрәкле эш. Һеҙгә уның өсөн ҙур рәхмәт. Был тәжрибә һеҙҙе сыныҡтырғандыр, тип уйлайым.
«ИКЕА»ның Рәсәйҙәге идарасы директоры Пер Вендшлаг комплексты ғәмәлгә индереүгә рөхсәтте раҫлаусы документ алыуҙары менән бик бәхетле булыуын белдерҙе.
— Һуңғы бер нисә айҙа берлектә намыҫлы эшләй алыуыбыҙҙы иҫбатланыҡ, – тине ул. – Ышаныслы партнер булыуыбыҙҙы күрһәткәнбеҙҙер, тип уйлайым. Беҙҙең инвестициялар өсөн – был бик етди аҙым. Беҙ Рәсәйҙә ҡалабыҙ һәм бизнесыбыҙҙы үҫтерәсәкбеҙ.
Бынан тыш, Пер Вендшлаг, Өфө халҡы «ИКЕА»ның асылыуын күптән көтә, тип билдәләне.
— Беҙ продукциябыҙҙы һатып алыу мөмкинлеген генә түгел, шулай уҡ яңы эш урындары ла бирәбеҙ. «ИКЕА»ны август башында асыу планлаштырыла, – тине ул.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».