«Агророст» йәмғиәтенә ҡаҙ бәпкәләренең беренсе партияһы ҡайтарылды

Ғәлиә Нәбиева

Хәйбулла районының «Агророст» яуаплылығы сикләнгән йәмғиәтенә «Башҡорт ҡаҙы» йәмғиәтенән ҡаҙ бәпкәләренең беренсе партияһы ҡайтарылды. Был Көньяҡ Уралды иҡтисади үҫтереү буйынса урта сроклы программала ҡаралған сараларҙың береһе. Ул ауыл хужалығына тауарлата кредит биреү менән ярҙам итеүҙе күҙ уңында тота. Атап әйткәндә, ҡошсолоҡто үҫтереү өсөн ҡаҙ бәпкәләрен Хәйбулла районына поставкалауға Федоровка районының «Башҡорт ҡаҙы» яуаплылығы сикләнгән йәмғиәте менән килешеү төҙөлгән. Уларҙы үҫтереү менән райондың шәхси ярҙамсы хужалыҡтары шөғөлләнәсәк.

«Агророст» быйыл элекке «Хәйбулла» ауыл хужалығы ҡулланыусылар кооперативы базаһында ойошторолған һәм әле генә аяғына баҫып килә, тип хәбәр иттеләр райондың мәғлүмәт-аналитика бүлегенән. Яҙғыһын аграрийҙар пай ерҙәрен ҡуртымға алып, 1,5 мең гектарҙа иген һәм техник культуралар сәскән, артабан малсылыҡты ла үҫтереү маҡсатында йәйгеһен бесән әҙерләү планлаштырыла. «Агророст» йәмғиәтенә әүәлге «Быҙаулыҡ» муниципаль унитар ауыл хужалығы предприятиеһының ҡаҙ фермаһы бирелгән. База ауылдан ситтә, йәмле быуа янында урынлашҡан.

– Ферманы тергеҙә башланыҡ, – тип һөйләй уның мөдире Александр Неверов. – Әлегә бер нисә бинаны ғына тәртипкә килтерҙек, бәпкәләрҙе айырым ситлектәргә урынлаштырҙыҡ, тейешле температура режимын тәьмин иттек. Килешеү шарттары буйынса 1600 бәпкәне үҫтергәндән һуң хужалыҡ «Башҡорт ҡаҙы» яуаплылығы сикләнгән йәмғиәтенә 320 баш ҡаҙҙы кире бирергә тейеш.

— 500 самаһы инәлекте үрсемгә ҡалдырырға ниәтләйбеҙ, — тип пландары менән уртаҡлаша Александр Неверов.

Бәпкәләргә ошо уҡ ҡошсолоҡ предприятиеһынан ҡайтарылған витаминлы ҡатнаш аҙыҡ ашаталар, йәшел үлән әҙерләйҙәр, ике-өс сәғәткә саф һауаға йөрөтөргә сығаралар.

#ауыл хужалығы #ҡошсолоҡ

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.