Япония делегацияһы Өфөләге «Витценманн-Руссия берлектәге предприятиеһы» заводы менән танышты

Әлфиә Шәрәфетдинова, Любовь Колоколова

Башҡортостанға рәсми визиты барышында Японияның эшлекле даирәләре делегацияһы бөгөн Өфөлә урынлашҡан заводта — «Витценманн-Руссия берлектәге предприятиеһы» йәмғиәтендә булды. Был Башҡортостан менән Германияның берлектәге предприятиеһы Mitsubishi Motors корпорацияһының Калугалағы заводын автокомпоненттар менән тәьмин итеү проектында ҡатнашыуға дәғүә итә.

«Витценманн-Руссия берлектәге предприятиеһы» яуаплылығы сикләнгән йәмғиәтенең төп менеджеры Илья Кулаков предприятиеның төп продукцияһы автомобиль сәнәғәте өсөн тәғәйенләнгән һығылмалы металл элементтар булыуы хаҡында һөйләне. Автокомпоненттар производствоһы дөйөм әйләнештең яҡынса 60 процентын тәшкил итә.

Илья Кулаков завод буйлап экскурсия үткәрҙе, Япония делегацияһы вәкилдәрен ҡыҙыҡһындырған продукцияны етештереү өсөн кәрәкле станоктарҙы һәм ҡорамалдарҙы күрһәтте.

Башҡортостан Республикаһының Япониялағы рәсми вәкиле Ришат Муллагилдиндың хәбәр итеүенсә, «Витценманн-Руссия берлектәге предприятиеһы» йәмғиәтенән тыш «БелЗАН» һәм «Салауатбыяла» асыҡ акционерҙар йәмғиәттәре, Нефтекаманың «Искож» производство берекмәһе кеүек Башҡортостандың йәнә өс предприятиеһы алдан яҡынса һайлау үткән.

«Мitsubishi Motors Corporation» корпорацияһының Рәсәйҙәге проекттары офисы генераль директоры Йосия Инамори «Башинформ» агентлығы хәбәрсеһе менән әңгәмәлә заводҡа беренсе визиттан яҡшы тәьҫораттар ҡалыуын билдәләне:

— Етди предприятие икәнлеге күренеп тора. Ысынында, бер тапҡыр күргәндән аныҡ ҡына нимәлер әйтеүе ҡыйын. Асылда, хеҙмәттәшлек итеүҙе мөмкин тип иҫәпләйбеҙ. Поставкалаусыларҙы һайлағанда беҙҙең компания сифат менән үҙҡиммәтте төп өҫтөнлөк итеп күрә.

Төштән һуң япон бизнесмендары Бәләбәйҙең «Автонормаль» (БелЗАН) заводына барасаҡ, унда «Искож» производство берекмәһе һәм «Салауатбыяла» яуаплылығы сикләнгән йәмғиәте вәкилдәре ҡатнашлығында автокомпоненттар презентацияһы үткәреләсәк.

#сәнәғәт #визиттар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.