Был аҙнала Башҡортостанға Япония делегацияһы киләсәк

Любовь Колоколова

15 июндә Башҡортостанға Рәсәй һәм яңы бойондороҡһоҙ дәүләттәр менән сауҙа буйынса ассоциация (РОТОБО, Япония) делегацияһы килә. Япония делегацияһын бай һәм эстәлекле программа көтә. Ул өс көнгә иҫәпләнгән һәм эшлекле форум үткәреүҙе, төбәктең сәнәғәт предприятиеларына һәм фәнни ойошмаларына барыуҙы, төбәк потенциалы менән танышыуҙы үҙ эсенә ала.

РОТОБО-ның Башҡортостанға визиты яуап сәфәре булып тора: былтыр ноябрҙә беҙҙең республика делегацияһы был илдә булып ҡайтҡайны. Хәтерегеҙгә төшөрәйек, 2010 йылдың 12 ноябрендә Японияла Башҡортостан Республикаһы Хөкүмәте менән Японияның Рәсәй һәм бойондороҡһоҙ дәүләттәр араһында сауҙа буйынса ассоциацияһы (РОТОБО) араһында хеҙмәттәшлек ниәттәре протоколына ҡул ҡуйылғайны. Документ аҫтына ҡултамғаларын БР Хөкүмәте Премьер-министры урынбаҫары – БР Хөкүмәте Аппараты етәксеһе Илшат Тажетдинов һәм РОТОБО президенты Такаси Нисиока ҡуйғайны.

РОТОБО-ға 200-ҙән ашыу ағза инә. Улар иҫәбендә Японияның Mitsui, Sumitomo, Mitsubishi, TOYOTA, Honda, Nissan, SONY, Panasonic, TOSHIBA кеүек киң билдәле сәнәғәт һәм сауҙа корпорациялары, страховка һәм йөк-пассажирҙар ташыу компаниялары, банкылар, ғилми институттар, киң мәғлүмәт саралары, урындағы үҙидара органдары һәм башҡа ойошмалар бар.

Япония делегацияһының Өфөнөң иҫтәлекле урындары менән танышыуы 16 июндә Башҡортостандың Археология һәм этнография музейына сәфәрҙән башланасаҡ. Артабан, Башҡортостан Президенты Рөстәм Хәмитовтың РОТОБО делегацияһы ағзалары менән протокол осрашыуынан һуң, көндөң икенсе яртыһында Конгресс-холда Японияның хөкүмәт структуралары һәм эшлекле даирәләре вәкилдәре делегацияһы ҡатнашлығында Япония менән Башҡортостан Республикаһы араһында сауҙа һәм инвестицион хеҙмәттәшлек мәсьәләләре буйынса конференция-семинар үтәсәк.

Эшлекле форум дауамында машина эшләү һәм энергия һаҡлауҙан алып баш ҡала инфраструктураһын һәм туризмды үҫтереүгә тиклем бөтә яҡтарҙы ҡыҙыҡһындырырҙай туғыҙ төп йүнәлеш буйынса хеҙмәттәшлек юлдары тикшереләсәк.

17 июндә Башкортостан Республикаһының «Нефть-химия эшкәртеү институты» дәүләт унитар предприятиеһына, «Өфө моторҙар эшләү производство берекмәһе» асыҡ акционерҙар йәмғиәтенә, «ЕСМ» яуаплылығы сикләнгән йәмғиәтенә барыу планлаштырылған. Ошо уҡ көндө Япония делегацияһы вәкилдәренең икенсе төркөмө «СП Витценманн-Руссия» яуаплылығы сикләнгән йәмғиәтенә (Өфө), «БелЗАН» асыҡ акционерҙар йәмғиәтенә (Бәләбәй) барасаҡ. Бынан тыш, Япониянан килгән ҡунаҡтар Әлшәй районындағы йылҡысылыҡ фермаһында булып, башҡорт ҡымыҙын тәмләйәсәк.

РОТОБО делегацияһының визиты 18 июндә «Русгидро-Альстом» технопаркы биләмәһенә эш сәфәре менән тамамланасаҡ.

#халыҡ-ара хеҙмәттәшлек #визиттар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.