70.86
-0.13
82.5
-0.14
85.66
+1.05
10+ °C
Облачно
Бөтә яңылыҡтар
Иҡтисад
16 Май 2011, 13:24

Башҡортостанда банктар иҫәбе 78-гә етте

Рәсәйҙәге кредит ойошмалары иҫәбе йыл башынан алып 9 берәмеккә кәмегән. Рәсәй Банкы мәғлүмәте буйынса, 2011 йылдың 1 ғинуарына ҡарата илдә 1012 банк иҫәпләнгән, ә 1 майға ҡарата улар 1 003 генә ҡалған. «Юғалтыуҙар» башлыса Үҙәк федераль округына тура килә, бында банктар исемлеге 5 учреждениеға ҡыҫҡарған.
Башҡортостанда, киреһенсә, ағымдағы йылда кредит ойошмалары иҫәбе артҡан.
— Әлеге ваҡытта төбәктә 78 кредит ойошмаһы, шул иҫәптән 11 республика банкы эшләй, – тип хәбәр итте «Башинформ» агентлығына Башҡортостан Республикаһы Кредит ойошмалары ассоциацияһының матбуғат секретары Дмитрий Рудзит.
БР Милли банкы мәғлүмәте буйынса, ғинуарҙа Башҡортостанда 76 кредит ойошмаһы иҫәпләнгән.
Автор:Әлфиә Шәрәфетдинова