Башҡортостан һәм Данияның «Danfoss A/S» компанияһы килешеүгә ҡул ҡуйҙы

"Башинформ"

26 апрелдә Башҡортостан Президенты Рөстәм Хәмитов Хөкүмәт Рәйесе Владимир Путин етәкселегендәге Рәсәй Федерацияһы рәсми делегацияһы составында Дания Короллегенә барҙы. Владимир Путиндың эш сәфәре барышында Копенгагенда Рәсәй менән Данияның төрлө өлкәләрҙә сауҙа-иҡтисади хеҙмәттәшлеге перспективалары тураһында һөйләшеүҙәр үтте.

Рәсми саралар сиктәрендә Башҡортостан Республикаһы һәм «Danfoss A/S» компанияһы араһында хеҙмәттәшлек тураһында килешеүгә ҡул ҡуйылды. Документҡа Башҡортостан Президенты Рөстәм Хәмитов һәм «Danfoss A/S» компанияһының башҡарма директоры Кристиансен Нильс Бьорн ҡул ҡуйҙы.

Килешеүгә Башҡортостан менән Danfoss араһында энергияны һаҡсыл файҙаланыу һәм бюджет өлкәһенең, торлаҡ фондының, иҡтисад тармаҡтарының, тәү сиратта, энергетика, капиталь төҙөлөш һәм торлаҡ-коммуналь хужалыҡ объекттарының энергетик һөҙөмтәлелеген күтәреү өлкәһендә хеҙмәттәшлек урынлаштырыу маҡсатында ҡул ҡуйылды. Документ Danfoss компанияһының энергияны һаҡсыл файҙаланыуҙа иң юғары һөҙөмтәләргә өлгәшеүгә булышлыҡ итеүсе заманса технологияларын Башҡортостанда индереүгә булышлыҡ итергә тейеш. Шулай уҡ килешеү Danfoss технологиялары нигеҙендә энергияны һаҡсыл файҙаланыу ҡорамалдары һәм быуындары производствоһын ойоштороуҙы, социаль тәғәйенләнештәге торлаҡ төҙөү программаһын тормошҡа ашырғанда энергияны һаҡлау технологияларын ғәмәлгә индереүҙе, Өфөлә “Энергетика яғынан һөҙөмтәле квартал” проектын тормошҡа ашырыуҙы, шул иҫәптән энергияны һаҡлаусы алдынғы комплекслы эшләнмәләр ҡулланып йылылыҡ менән тәьмин итеү һәм йылытыу системаларын ойоштороу концепцияһын эшләүҙе күҙ уңында тота.

Килешеүгә ярашлы яҡтар Danfoss компанияһының “Йылы йорт. Энергияны мөғжизәһеҙ һаҡлау” проектын берлектә эшләү башланғысын хуплай. Проекттың маҡсаты – торлаҡ биналарға һәм республика йәки муниципаль милектәге биналарға модернизация, реконструкция һәм капиталь ремонт үткәргәндә һыналған, иҡтисади яҡтан отошло энергияны һаҡлау технологияларын комплекслы ғәмәлгә индереү. Был проекттарҙы тормошҡа ашырыу өсөн сит ил, шул иҫәптән Скандинавия банкылары средстволарын йәлеп итеү планлаштырыла, тип хәбәр итә республика башлығының матбуғат хеҙмәте.

#бр президенты #визиттар #дания #килешеүҙәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.