Башҡортостан һәм Өфө яңылыҡтары
53.77
+1.26
56.36
+1.72
111.63
+2.6
12+ °C
Болотло
Бөтә яңылыҡтар
Иҡтисад
25 Апрель 2011, 18:20

Дәүләкән районы игенселәре сәсеүгә сыҡты

Дәүләкән районының дүрт хужалығы яҙғы сәсеүгә төштө. Баҫыуға эре ауыл хужалығы предприятиеларынын тыш, крәҫтиән-фермер хужалыҡтары ла сыҡты. «Аграр традициялар» яуаплылығы сикләнгән йәмғиәте, «Регион-Агро» яуаплылығы сикләнгән йәмғиәте, шәхси эшҡыуар Ғабдрахманов һәм «Рихтер» крәҫтиән-фермер хужалығы өс сорттағы һоло сәсеүҙе башланы.
— 50 мең гектарҙа быйыл иген культуралары сәселәсәк, — тине район хакимиәтенең ауыл хужалығы идаралығы начальнигы Рафаил Әхмәтйәнов. – Сәсеү майҙандары структураһын беҙ мал аҙығы культуралары файҙаһына үҙгәрттек. Мәҫәлән, кукуруз һәм судан үләне плантациялары ярайһы ныҡ — ике тапҡырға тиерлек артасаҡ.
Районда яғыулыҡ-майлау материалдары менән тәьмин итеү буйынса проблема юҡ, ә ашламаларҙы әлегә ни бары 1000 тонна ғына ҡайтарҙыҡ – туплауҙы дауам итәбеҙ.
Ужымды туҡландырғандан һуң ҡайтанан сәсеү мәсьәләһе хәл ителәсәк. Ужым культуралары йәмғеһе 24 мең гектарҙы биләй, ә ҡайтанан сәсеүҙе 8 мең гектарҙа үткәрергә кәрәк.
— Ҡайтанан сәсеүгә иген орлоғо 3,5 мең гектарға етә, — ти Рафаил Әхмәтйәнов. – Ҡалған майҙандарҙы көнбағыш, күп йыллыҡ һәм бер йыллыҡ үләндәр аласаҡ.
Автор:Ғәлиә Нәбиева
Читайте нас в