Башҡортостан Республикаһы Сауд Ғәрәбстаны менән «баллы» килешеүгә ҡул ҡуйҙы

Галина Бахшиева

14 апрелдә Башҡортостан Республикаһының Сәнәғәт һәм инновация сәйәсәте министрлығында Башҡортостан умартасылыҡ үҙәге менән Сауд Ғәрәбстаны Короллегенең “Баллы баҡсалар” фирмаһы араһында оҙайлы контракт килешеүенә ҡул ҡуйылды.

Республика өсөн был Рәсәйҙән ситкә башҡорт балын сығарыу буйынса сит ил партнерҙары менән аралашыуҙың тәүге тәжрибәһе генә түгел. Алты йыл элек Башҡортостан үҙенең татлы һәм, иң мөһиме, тәбиғи продукцияһын АҠШ-ҡа һәм Көнбайыш Европаға сығара башланы. Әммә Европа баҙарында ошо ваҡыт эсендә башҡорт балын һатыу күләмен байтаҡҡа арттырыу мөмкинлеге булманы.

Эш хаҡҡа бәйле. Көнбайышта бер килограмм бал яҡынса 150 һум торһа, Башҡортостан умартасылары урындағы баҙарҙа ла үҙ продукцияһын 350 – 400 һумға һата. Беҙҙең балдың юғары сифатлы булыуына ҡарамаҫтан, Европа халҡы үҙҙәрендә билдәләнгән хаҡтан ҡиммәтерәк түләргә теләмәй.

- Шуға күрә һуңғы дүрт йылда беҙ ғәрәп илдәре менән сауҙа хеҙмәттәшлеген яйға һалыу буйынса әүҙем шөғөлләнәбеҙ. Улар сифат, башҡорт стилендә биҙәлгән ҡиммәтле ағас һауыттар өсөн түләргә әҙер. Шуға күрә Фарсы ҡултығы илдәре беҙҙең өсөн бик ҡулай. Унда бал һәм умартасылыҡ продукцияһы һатыу бик төшөмлө буласаҡ. Шул уҡ ваҡытта хаҡы ла беҙҙең дә, ғәрәп партнерҙарыбыҙҙың да мәнфәғәттәрен ҡәнәғәтләндерәсәк. Был – өҫтәмә һатыу баҙары, Башҡортостанға киләсәк аҡса, – тине “Башҡортостан умартасылыҡ һәм апитерапия буйынса ғилми-тикшеренеү үҙәге” дәүләт учреждениеһының генераль директоры Әмир Ишемғолов.

Башҡорт балының һәм умартасылыҡ продукцияһы ҡулланып эшләнгән косметика әйберҙәренең тәүге һынау партияһы Сауд Ғәрәбстанына быйыл августа ебәреләсәк.

- Үҙ ғүмеремдә төрлө илдәрҙән бик күп балды тәмләп ҡарағаным бар. Сауд Ғәрәбстанындағы бал баҙары бик бай – Европа, Ҡытай, Аргентина, Мексика һәм башҡа илдәрҙән килтерелгән балдың тиҫтәләрсә сорты бар, – ти “Баллы баҡсалар”ҙы ойоштороусыларҙың береһе Мәйсәрә Машаль. – Әммә, күренеүенсә, башҡорт балы – иң яҡшыһы. Кристалға әүерелһә лә тәме нәзәкәтле. Һеҙҙең бал йомшаҡ майға оҡшаш. Тәме буйынса беҙҙең өсөн ғәҙәти түгел, шуға күрә уны һайланыҡ. Тәү сиратта беҙгә сифат кәрәк.

Әлеге ваҡытта бал һәм косметик саралар һалынасаҡ һауыттарҙың дизайны эшләнә.

Ҡул ҡуйылған килешеү Башҡортостанда умартасылыҡ үҫешенә яңы импульс бирер, тип ышанырға ҡала. Өҫтәүенә, ул республика ҡаҙнаһы өсөн бик яҡшы финанс сығанаҡ булдырасаҡ.

#ауыл хужалығы #умартасылыҡ

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.