Рөстәм Хәмитов сәсеүгә әҙерлек буйынса Волга буйы федераль округы Советында ҡатнашты

Ғәлиә Нәбиева | фото: Андрей Старостин

Башҡортостан Президенты Рөстәм Хәмитов Һамарҙа Волга буйы федераль округы Советы ултырышында ҡатнашты.

Волга буйы федераль округының 14 субъекты башлыҡтары Рәсәй Президентының ошо округтағы тулы хоҡуҡлы вәкиле Григорий Рапота етәкселегендә яҙғы сәсеү эштәренең һөҙөмтәлелеген күтәреү мәсьәләһен тикшерҙе. Совет эшендә ил Хөкүмәтенең беренсе вице-премьеры Виктор Зубков ҡатнашты.

Кәңәшмәне асып, Григорий Рапота агросәнәғәт комплексының округ өсөн төп тармаҡ булыуын билдәләне. Бында Рәсәй ауыл хужалығы продукцияһының дүрттән бер өлөшө етештерелә. Ул ҡаты ҡоролоҡ темаһына ла ҡағылды. Ошондай насар һауа шарттары арҡаһында Волга буйы федераль округында ауыл хужалығы продукцияһын етештереү 2009 йыл менән сағыштырғанда 53 процентҡа кәмегән. 38 процент майҙанда ауыл хужалығы культуралары һәләк булған. Һауа торошо ужым культураларын да планлаштырылған кимәлдә сәсергә ирек бирмәгән. Ужым ашлыҡтары планлаштырылған майҙандарҙың 83 процентын биләй.

Рәсәй Хөкүмәтенең беренсе вице-премьеры Виктор Зубков төбәк етәкселәре алдында яҙғы сәсеүҙе сифатлы һәм ваҡытында атҡарып сығыу бурысын ҡуйҙы. Яҙғы сәсеүлек майҙандарын арттырыу тураһында ла һүҙ барҙы. Хөкүмәт үҙ яғынан аграрийҙарға кәрәкле ярҙам күрһәтә. Быйыл ауыл хужалығына ярҙам күрһәтеү буйынса дәүләт программаһына 125 млрд һум йүнәлтелгән. Өҫтәмә рәүештә орлоҡтар һатып алыуға средстволар бүленгән. Улар менән Рәсәйҙең ауыл хужалығы предприятиелары бөгөн 99 процентҡа тәьмин ителгән.

Советта яғыулыҡ-майлау материалдары, ашламалар менән тәьмин итеү, техниканың яҙғы сәсеүгә әҙерлеге буйынса саралар ҙа тикшерелде. Сәсеү кампанияһын ваҡытында үткәреүҙе тәьмин итеүгә кредит ойошмаларының ставкалары ла аныҡлап кителде.

1 из 12

#кәңәшмәләр #агрокомплекс

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.