Башҡортостан техник инвентаризация архивтары менән файҙаланыу ҡағиҙәләрен билдәләне

"Башинформ"

Башҡортостан Рәсәйҙә капиталь төҙөлөш объекттарының техник иҫәбен алыуҙы һәм техник инвентаризацияны тормошҡа ашырыусы ойошмалар архивынан мәғлүмәттәрҙән файҙаланыу ҡағиҙәләрен билдәләүсе субъекттарҙың береһе булды. Рөстәм Хәмитов БР Хөкүмәтенең 15 марттағы ҡарары менән капиталь төҙөлөш объекттары буйынса архив документтарынан файҙаланыу һәм уларҙы тапшырыу тәртибен раҫланы.

Был тәртип Башҡортостан Республикаһы территорияһындағы капиталь төҙөлөш объекттарының техник иҫәбен алыу һәм уларға техник инвентаризация үткәреү буйынса ойошмаларҙа тупланған техник һәм баһалау документацияһын һаҡлауҙы тәьмин итеү өсөн эшләнгән.

Документ менән мәғлүмәттәрҙе һорарға хоҡуҡлы кешеләр даирәһе билдәләнә. Ундайҙарға, тәү сиратта, документтарҙың милексеһе, хужаһы (балансҡа эйә булыусы) йәки закон, мираҫ ҡағыҙы буйынса уларҙың ышаныслы кешеләре һәм вариҫтары инә.

Тәртип дәүләт органдарына мәғлүмәттәр биреүгә ҡағылған сикләүҙәрҙе билдәләй. Хоҡуҡ һаҡлау органдары һәм судтар үҙҙәренең эшенә ҡағылған мәғлүмәттәрҙе, ә һалым органдары үҙҙәренең ведомствоһындағы территорияла урынлашҡан капиталь төҙөлөш объекттары тураһындағы мәғлүмәттәрҙе һорарға хоҡуҡлы. Дәүләт власы һәм урындағы үҙидара органдары тейешле административ территориаль берәмектәрҙә урынлашҡан капиталь төҙөлөш объекттары хаҡында һорау ебәрә ала.

Мәғлүмәттәр биреүҙән баш тартыу нигеҙҙәре хаҡында ла һүҙ алып барыла. Был нигеҙҙәр түбәндәге осраҡтарҙа ҡулланыла: һорауҙың йөкмәткеһе мәғлүмәттәр ҡағылған объектты бер төрлө идентификациялау мөмкинлеге бирмәһә; мәғлүмәт ошондай хоҡуҡҡа эйә булмаған кеше тарафынан һоралһа; Рәсәй Федерацияһы ҡануниәтенә ярашлы бындай мәғлүмәтте биреү рөхсәт ителмәһә, тип хәбәр итә БР Хөкүмәтенең матбуғат хеҙмәте.

#бр хөкүмәте ҡарарҙары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.