Республикала транспорт һалымы кәмейәсәк

"Башинформ"

Башҡортостандың финанс министры Рузалия Хисмәтуллина БР Дәүләт Йыйылышы – Ҡоролтайҙың утыҙ бишенсе ултырышында «Транспорт һалымы тураһында» БР Законының 2-се статьяһына үҙгәрештәр индереү тураһында» хөкүмәт инициативаһы менән сығыш яһаны.

Үҙгәрештәрҙең асылы төбәк халҡына транспорт һалымы буйынса ғәмәлдәге ставканы эҙмә-эҙ кәметеүгә ҡайтып ҡала. Был бурыс Башҡортостан Президенты Рөстәм Хәмитов тарафынан йөкмәтелде.

— Физик шәхестәргә двигатель ҡеүәте 100 ат көсөнә тиклем булған автомобилдәр буйынса билдәләнгән тәртиптә теркәлгән бер транспорт сараһы өсөн ставканы 7,5 һумдан 5,5 һумға тиклем кәметергә тәҡдим ителә, — тип хәбәр итте Рузалия Хисмәтуллина.

Башҡортостан транспорт һалымы буйынса күрһәтелгән льготалар суммаһы буйынса Волга буйы федераль округы субъекттары һәм Мәскәү, Санкт-Петербург, Мәскәү өлкәһе кеүек башҡа субъекттар араһында беренсе урында тора. Һалым льготалары күрһәтеү менән бәйле бюджетҡа инмәгән һалым суммаһы, һалым органдары мәғлүмәттәренә ҡарағанда, 540 миллион һум тәшкил итте.

100 ат көсөнә тиклем ҡеүәтле еңел автомобилдәр хужалары өсөн һалым күләме сирек өлөштән ашыуға кәмейәсәк, ә транспорт һалымы ставкаһын кәметеүҙән социаль һөҙөмтә 150 миллион һум тәшкил итәсәк, тип көтөлә.

Депутаттар күпселек тауыш менән тәҡдим ителгән Закон проектын беренсе уҡыуҙа хупланы, тип хәбәр итә Башҡортостан Хөкүмәте матбуғат хеҙмәте.

#бр дәүләт йыйылышында #транспорт һалымы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.