«Россельхозбанк» Башҡортостанда кредит ресурстары күләмен арттырырға ниәтләй

Рәсүл Хәмиҙуллин | фото: Рәиф Баҙыҡов

Башҡортостан Президенты Рөстәм Хәмитов «Россельхозбанк» асыҡ акционерҙар йәмғиәте идараһы рәйесе Дмитрий Патрушев менән осрашыу үткәрҙе. Осрашыу сиктәрендә республика һәм банк араһында Хеҙмәттәшлек тураһында килешеүгә ҡул ҡуйылды. Башҡортостан башлығы төбәктең Россельхозбанк менән һөҙөмтәле эшләргә ниәтләүен билдәләне.

— Беҙгә арзан һәм оҙайлы ваҡытҡа иҫәпләнгән кредиттар кәрәк, — тине Рөстәм Хәмитов.

Дмитрий Патрушев һүҙҙәренсә, банк Башҡортостанда кредитлау системаһын камиллаштырырға, кредит ресурстары күләмдәрен арттырырға йыйына.

— Бөгөнгө көндә кредит портфелебеҙ 12 миллиард һум тәшкил итә, — тип һыҙыҡ өҫтөнә алды ул. – Йыл аҙағына ул ике тапҡырға артыр, тип ышанам.

Россельхозбанк идараһы рәйесе алдағы сәсеү эштәренә ҙур иғтибар бирҙе:

— Был йүнәлештә беҙ Башҡортостандың ауыл хужалығы өсөн файҙалы кредиттар бирергә әҙербеҙ. Беҙ уларҙы биреү тәртибен ябайлаштырҙыҡ. Шул иҫәптән ставкаларҙы 9-11 процентҡа тиклем кәметтек. Аграрийҙарға кредит биреү эшен артабан да дауам итергә планлаштырабыҙ.

«Россельхозбанк» асыҡ акционерҙар йәмғиәте илдең иң эре банктары иҫәбенә инә һәм Рәсәй агросәнәғәт комплексын кредитлаусылар араһында алдынғы урынды биләй, ә филиалдар селтәре күләме буйынса икенсе урында килә. Уның арсеналында тиҫтәләгән кредит программалары бар: банк малсылыҡ, үҫемлекселекте, ауыл хужалығы техникаһын һатып алыуҙы әүҙем кредитлай. Россельхозбанк йәнә бәләкәй агробизнес үҫешенә — шәхси ярҙамсы һәм крәҫтиән (фермер) хужалыҡтарға етди ярҙам күрһәтә.

1 из 6

#бр президенты #ауыл хужалығы #банктар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.