Башҡортостанға «2012 йылға тиклем ауылдың социаль үҫеше» программаһына 295,9 миллион һум бүленде

Рәсәй Ауыл хужалығы министрлығы һәм Башҡортостан Республикаһы Хөкүмәте «2012 йылға тиклем ауылдың социаль үҫеше» федераль маҡсатлы программаһын тормошҡа ашырыу сиктәрендә Федераль бюджеттан 2011 йылға субсидиялар биреү тәртибе һәм шарттары тураһында килешеүгә ҡул ҡуйҙы.

—Федераль ҡаҙна иҫәбенән субсидиялар күләме 295,9 миллион һум тәшкил итәсәк, — тип хәбәр итте БР Ауыл хужалығы министрлығының матбуғат хеҙмәте хеҙмәткәре Валентина Әптекәева. — Был субсидиялар ауыл ерендә йәшәгән граждандарҙың, шул иҫәптән йәш ғаиләләрҙең һәм йәш белгестәрҙең торлаҡ шарттарын яҡшыртыу, ауылдарҙа газ, һыу үткәреү, беренсел медик-санитар ярҙам, физкультура һәм спорт учреждениелары селтәрен үҫтереү буйынса сараларға киткән төбәк сығымдарын өҫтәп финанслауға йүнәлтеләсәк.