Башҡортостан Хөкүмәте алданған өлөшсөләр проблемаларын тикшерҙе

"Башинформ"

Йома көндө, 4 февралдә, Башҡортостан Хөкүмәтендә төҙөүселәрҙең күп фатирлы йорттар төҙөлөшө буйынса үҙ йөкләмәләрен үтәмәүе арҡаһында зыян күргән граждандарҙың хоҡуҡтарын һәм законлы мәнфәғәттәрен яҡлауға булышлыҡ итеү буйынса ведомство-ара комиссияһы ултырышы үтте.

Ултырышты асып, БР Хөкүмәте Премьер-министры урынбаҫары Сергей Афонин ҡатнашыусыларға алданған өлөшсөләр проблемаларын хәл итеү өсөн ҡабул ителгән саралар хаҡында хәбәр итте.

Тәү сиратта норматив-хоҡуҡи базаны көйләү эше алып барыла. Республика кимәлендә төҙөлөшкә аҡса һалыусыларҙың хоҡуҡтарын яҡлауға нигеҙ булып торасаҡ закон ҡабул ителәсәк, уның проекты әҙерләнгән һәм Хөкүмәт менән 27 ғинуарҙа парламентҡа тикшереүгә тәҡдим ителгән.

Вице-премьер республика Президенты Рөстәм Хәмитовтың ҡушыуы буйынса проблемалы объекттарҙың йыйылма исемлеген булдырыу тәртибе билдәләнеүе хаҡында әйтеп үтте.

– Оҙаҡ төҙөлөүсе йорттарҙы реестрға индереү уларға рәсми рәүештә «проблемалы йорт» статусын биреү һәм төҙөлөштө тамамлауға артабан булышлыҡ итеү өсөн кәрәк, - тип билдәләне ул. – БР Дәүләт төҙөлөш күҙәтеү инспекцияһына ике аҙна эсендә комиссияға исемлеккә индерелергә тейешле йорттар тураһында тулы мәғлүмәт тапшырырға кәрәк.

БР Хөкүмәтенең матбуғат хеҙмәтенән хәбәр итеүҙәренсә, республикала өлөшсөләрҙең хоҡуҡтары боҙолоу осраҡтары күҙәтелгән ошондай 25 йорт бар. Ултырышта иң ҡатмарлы алты объектҡа ҡағылышлы хәл тикшерелде. Яҡтарҙың: өлөшсөләрҙең, төҙөүселәр, урындағы хакимиәт, хоҡуҡ һаҡлау органдары вәкилдәренең фекерҙәре һәм һығымталары тыңланды.

Ултырыш аҙағында Сергей Афонин, өлөшсөләрҙең проблемаларын законға ярашлы этаплап ҡарау республика Президенты тарафынан билдәләнгән ваҡыт эсендә барлыҡ эштәрҙе тормошҡа ашырыу мөмкинлеген бирә, тип билдәләне.

#бр хөкүмәте #төҙөлөш #кәңәшмәләр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.