Торлаҡ-коммуналь хужалыҡты реформалаштырыуға булышлыҡ итеү фонды 700 миллион һум бүлде

Рәсүл Хәмиҙуллин

Торлаҡ-коммуналь хужалыҡты реформалаштырыуға булышлыҡ итеү фонды Башҡортостанға быйылғы йылға өҫтәмә рәүештә 700 миллион һум аҡса бүлде. Был турала БР Төҙөлөш һәм архитектура буйынса дәүләт комитетының матбуғат секретары Фидарис Багаев хәбәр итте. 185-се Федераль законға ярашлы, республикала 2008-2010 йылдарҙа граждандарҙы авария хәлендәге торлаҡ фондынан күсереү буйынса, шул иҫәптән торлаҡ баҙарын үҫтереүҙе дәртләндереү кәрәклеген иҫәпкә алып, биш адреслы программа ғәмәлгә ашырылды.

Күрһәтелгән программалар буйынса граждандарҙы авария хәлендәге торлаҡтан күсереүгә средстволарҙың дөйөм күләме, Торлаҡ-коммуналь хужалыҡты реформалаштырыуға булышлыҡ итеү фонды күсергән өс миллиард һумдан ашыу аҡсаны индереп, биш миллиард ярым һумдан ашыу тәшкил итте.

Фонд бүлгән лимиттар төбәктә йыл ярым эсендә тулыһынса һәм ваҡытында үҙләштерелде. Шуға бәйле граждандарҙы авария хәлендәге торлаҡтан күсереү программаһы фонд яғынан өҫтәмә бонустар арҡаһында эшләүен дауам итте.

— Лимиттарҙы ваҡытында үҙләштереү буйынса республика Рәсәй Федерацияһының тәүге биш төбәге иҫәбенә инә. Шуға күрә Торлаҡ-коммуналь хужалыҡты реформалаштырыуға булышлыҡ итеү фонды Башҡортостанға быйылға өҫтәмә средстволар бүлде. Үҙ сиратында республика программаны бойомға ашырыу өсөн ҡушма финанслауға 255 миллион һум аҡса бүлә, — тип аңлатты БР Төҙөлөш һәм архитектура буйынса дәүләт комитеты рәйесенең беренсе урынбаҫары Рәмил Хәлимов. – Әгәр беҙ был сумманы йыл аҙағына тиклем үҙләштереп бөтөрә алһаҡ, фонд беҙгә өҫтәмә бонустар бүлергә әҙер.

#торлаҡ-коммуналь хужалыҡ #инвестициялар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.