2010 йылда Башҡортостанда хеҙмәт һаҡлау буйынса программаны ғәмәлгә ашырыуға 775 мең һум тотонолған

Светлана Ғәфүрова

Бөгөн БР Хөкүмәте Йортонда БР Хөкүмәте Премьер-министры урынбаҫары Фидус Ямалетдинов рәйеслегендә үткән Ведомство-ара комиссияның сираттағы ултырышында хеҙмәт һаҡлау мәсьәләләре тикшерелде.

БР Хеҙмәт һәм халыҡты социаль яҡлау министры Ленара Иванова 2009-2011 йылдарға хеҙмәт һаҡлау һәм шарттарын яҡшыртыу республика маҡсатлы программаһының тормошҡа ашырылыуы хаҡында һөйләне.

Атап әйткәндә, программаны бюджет финанслауы 2009 йылда 542,5 мең һум йәки программа менән күҙ уңында тотолғандың 13,6 процентын тәшкил итте, тип билдәләнде.

2010 йылда программаны финанслау 775 мең һум йәки планлаштырылған күләмдең 19 процентын тәшкил иткән.

Нигеҙҙә был средстволар хеҙмәт һаҡлау буйынса методик әҙәбиәт, норматив документтар йыйынтыҡтары әҙерләүгә, шулай уҡ киң мәғлүмәт саралары аша йәмәғәтселек иғтибарын хеҙмәт һаҡлау проблемаларына йәлеп итеү өсөн тотонолған. Бының өсөн социаль реклама менән аудио- һәм видеороликтар эшләнгән, улар урындағы радио- һәм телеканалдар аша тапшырылған.

Бюджет средстволары иҫәбенә йәнә эш урындарына хеҙмәт шарттары буйынса атттестация үткәрелгән.

Программала предприятиелар средстволары иҫәбенә хеҙмәт һаҡлау һәм хеҙмәт шарттарын яҡшыртыу буйынса бер нисә сара үткәреү билдәләнгән. Атап әйткәндә, «Учалы тау-байыҡтырыу комбинаты» асыҡ акционерҙар йәмғиәтендә иҫкергән ҡорамалдар алмаштырылған, производствола реконструкция үткәрелгән, ҡулланыу ваҡыты үткән ҡорамалдар тикшерелгән. «Юбилей» карьеры асыҡ тау эштәре өсөн яңы ҡорамалдар менән йыһазландырылған.

#хеҙмәт һаҡлау #бр хөкүмәтендә ултырыштар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.