Ауыл райондарындағы эшһеҙлек проблемаһын хәл итәләр

Рәил Мусин

Башҡортостанда бөгөн эшһеҙлек проблемаһы бигерәк тә ауыл райондарында киҫкен тора. Әммә уларҙың күбеһендә проблеманы хәл итергә маташалар, һәм ярайһы уҡ уңышлы ғына. Атап әйткәндә, Шаран районында быйыл эшһеҙ граждандарға үҙ эшен асыуға 58800-әр һум, дөйөм алғанда, 6 миллион һум субсидия бүленде.

— Беҙҙең район — ауыл районы, — ти Шаран районының Халыҡты эш менән тәьмин итеү үҙәге директоры Мәғдән Хәйруллин, — шуға күрә был средстволар башлыса һыйыр малы һатып алыуға һәм уны һимертеүгә, ҡош-ҡорт үҫтереүгә тотонолдо. Бер нисә кеше халыҡҡа хеҙмәтләндереү күрһәтеү буйынса предприятиелар ойошторҙо.

Мәғдән Әнғәм улы әйтеүенсә, хәҙер ауыл халҡы үҙ эшен асыуға артыҡ ҡурҡмай тотона, эшҡыуарлыҡ һәләте күрһәтә, бушлай дәүләт ярҙамын һөҙөмтәле файҙаланырға тырыша.

Әгәр райондың был кешеләренән һәр береһе өҫтәмә рәүештә тағы бер кешене эш менән тәьмин итеүен иҫәпкә алһаң, бер юлы йөҙҙән ашыу кеше үҙ көсөн, белемен, оҫталығын ҡулланыу мөмкинлеге һәм бының өсөн матди дәртләндереү алған, тигән һүҙ.

Быйыл 1 декабргә ҡарата район буйынса теркәлгән эшһеҙ граждандар һаны 191 кеше тәшкил итте — был былтырғыға ҡарағанда 24 кешегә кәмерәк, йәғни эшһеҙлек кимәле кәмеүгә бара.

#эшһеҙлек

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.