Понедельник, 18 Мая 2026

Уфа

+29 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Иҡтисад

04:55 (UTC+5), 20 Декабря 2010

Григорий Рапота Белорет металлургия комбинатында яңы производствоны асыуҙа ҡатнашты

Евгений Рәхимҡолов, Любовь Колоколова | фото: Олег Яровиков

Рәсәй Федерацияһы Президентының Волга буйы федераль округындағы тулы хоҡуҡлы вәкиле Григорий Рапота Башҡортостан Президенты Рөстәм Хәмитов менән бергә Белорет металлургия комбинатында иретеп йәбештереү өсөн баҡырлы сым производствоһын символик асты.

— Илдең иҡтисади ҡеүәтен арттырған ваҡиғала ҡатнашыу һәр ваҡыт күңелле, — тине Григорий Рапота. – Ихтимал, бөтә Рәсәй күләмендә был производствоны асыу артыҡ мөһим дә түгелдер. Ләкин предприятие һәм ҡала өсөн был ҙур әһәмиәткә эйә.

Григорий Рапота шулай уҡ, илебеҙ иҡтисады аҡрынлап көрсөк эҙемтәләрен еңә бара, тип билдәләне.

— Күреүебеҙсә, иң конкуренцияға һәләтле предприятиелар еңеп сыҡты, — тине Рәсәй Президентының тулы хоҡуҡлы вәкиле. – «Белорет металлургия комбинаты» асыҡ акционерҙар йәмғиәте тап шундайҙарҙың береһе лә. Завод көрсөк ваҡытында үҙ позицияларын юғалтмау ғына түгел, уларҙы нығытты ла.

Республика Президенты Рөстәм Хәмитов йыйылыусыларға күптән түгел Белорет хакимиәтендә үткән БР Хөкүмәте Президиумының күсмә ултырышы, ҡала һәм район алдында асылған яңы иҡтисади мөмкинлектәр хаҡында һөйләне.

БР Хөкүмәте вице-премьеры Юрий Пустовгаров предприятиеның иң яҡшы хеҙмәткәрҙәренә Почет грамоталары тапшырҙы. Комбинаттың ике хеҙмәткәре «Башҡортостан Республикаһының атҡаҙанған металлургы» исемен алды.

Проект «Белорет металлургия комбинаты» асыҡ акционерҙар йәмғиәтенең стратегик инвестиция программаһы сиктәрендә тормошҡа ашырылды. Яңы комплекс йылына 0,8 -2 миллиметр диаметрлы 4200 тонна баҡыр сым һәм 3660 тонна өс миллиметр диаметрлы асыҡ иретеп йәбештереү сымы етештереү ҡеүәтенә эйә. Иретеп йәбештереү сымы төҙөлөштә, энергетикала, автомобиль, нефть һәм газ сәнәғәтендә файҙаланыла.

Яңы производствоға инвестициялар күләме 87 миллион һум тәшкил итте. Яңы ҡорамалды ебәреү һөҙөмтәһендә 50 яңы эш урыны барлыҡҡа килде.

1 из 16

#сәнәғәт #бр президентының эш сәфәрҙәре

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.