Башҡортостанда целлюлоза-ҡағыҙ комбинаты төҙөү планлаштырыла

Светлана Ғәфүрова

Башҡортостанда — Ҡариҙел йәки Дыуан районында 600 меңдән алып бер миллион тоннаға тиклем ҡеүәт менән целлюлоза-ҡағыҙ комбинаты төҙөргә планлаштырыла.

Был турала 13 декабрҙә Хөкүмәт Йортонда республикала ағас эшкәртеү сәнәғәтен үҫтереү мәсьәләләренә арналған кәңәшмәлә БР Хөкүмәте Премьер-министры урынбаҫары Юрий Пустовгаров хәбәр итте.

Башҡортостандың урман сәнәғәте комплексы үҙенә, башлыса, ағас әҙерләү, урман-химия продукцияһы етештереү, ағас эшкәртеү һәм мебель әҙерләүҙе лә индереп, ағастан изделиелар етештереү кеүек йүнәлештәрҙе индерә.

Статистика мәғлүмәттәренә ҡарағанда, ағас эшкәртеүҙә һәм ағастан изделиелар етештереүҙә быйыл 1 октябргә ҡарата — 518 ойошма, целлюлоза-ҡағыҙ производствоһында, нәшриәт һәм полиграфия эшмәкәрлегендә 785 ойошма шөғөлләнә.

Был тармаҡ предприятиелары быйыл бөтәһе 1783 миллион һумлыҡ үҙендә етештерелгән продукция тейәп оҙатты, үҙ көстәре менән эштәр башҡарҙы һәм хеҙмәттәр күрһәтте. Ағас эшкәртеү һәм ағастан изделиелар әҙерләү ойошмаларының әйләнеше 1807 миллион һум тәшкил итә.

Кәңәшмәне алып барған Башҡортостан Президенты Рөстәм Хәмитов фекеренсә, мәҫәлән, Ҡариҙел районында брикет яғыулығы етештереүҙе заманса ойошторғанда унан килем йылына бер миллиард һумға етер ине. Етмәһә, бының өсөн тәүшарттар бар: Павлово һыу һаҡлағысында батҡан ағас запастары (яғыулыҡ тап шунан етештерелә лә) күҙаллауҙар буйынса миллион тоннанан ашып китә.

Кәңәшмәлә «Селена» яуаплылығы сикләнгән йәмғиәте етәксеһе, БР Сауҙа-сәнәғәт палатаһы президенты Анатолий Бондарук белдереүенсә, Башҡортостанда ағасты тәрән эшкәртеү буйынса заманса производство ойоштороуға уның предприятиеһы 1,5-2 миллиард һум аҡса һалырға әҙер.

#бр хөкүмәте #кәңәшмәләр #ағас эшкәртеү

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.