Тамамланмаған төҙөлөш арҡаһында миллиардлаған һум аҡса тотҡарлана

Светлана Ғәфүрова

Дүшәмбе Республика Йортонда БР Хөкүмәте ултырышы үтте, уны Башҡортостан Президенты Рөстәм Хәмитов алып барҙы.

Көн тәртибендә икенсе урында «Башҡортостан Республикаһы бюджет средстволары иҫәбенә тамамланмаған төҙөлөш күләмдәрен кәметеү саралары тураһында» мәсьәлә торҙо.

Бөгөн республикала 17 миллиард һумлыҡ 3200 объект төҙөлөп бөтмәгән. Шуның 11 миллиарды тиерлек Өфөлә Халыҡтар дуҫлығы йорто (Конгресс-холл), «Аҡбуҙат» ипподромы, Өфө аэропорты терминалы һәм тимер юл вокзалы кеүек ҙур объекттарҙың заказсыһы-төҙөүсеһе булып торған Республика капиталь төҙөлөш идаралығы балансында. Был объекттар файҙаланыуға тапшырылған, ләкин әле булһа төҙөүсе балансынан алынмаған һәм файҙаланыусы ойошмалар балансына тапшырылмаған. Ошондай хәл һөҙөмтәһендә Республика капиталь төҙөлөш идаралығы банкротлыҡ сигенә етте һәм быйылғы йылды балансында 12 миллион һум минус менән тамамланы.

Өфөләге метро ла “һаҡаллы” төҙөлөш иҫәбендә, уның беренсе сиратын төҙөүгә 1,7 миллиард һум аҡса тотонолдо. Төҙөлөштө дауам итеү өсөн тағы ете миллиард һумдан ашыу аҡса талап ителә.

Хөкүмәт ултырышында бөгөн тамамланмаған төҙөлөштө кәметеү буйынса саралар тикшерелде. Объекттарҙың бер өлөшөн туҡтатырға, бер өлөшөн муниципалитеттар балансына тапшырырға һәм һатырға, ә бер өлөшөнөң профилен үҙгәртергә ҡарар ителде.

Башҡортостан Президенты Рөстәм Хәмитов миллиардлаған һумдар “ер аҫтына күмелгән” тип белдерҙе. Ә проблеманы хәл итеү өсөн республика бюджетынан ике-биш миллиард һум аҡса бүлеү талап ителә. Президент шулай уҡ БР Иҡтисади үҫеш министрлығын, өҫтөнлөклө йүнәлештәрҙе айырып, тамамланмаған төҙөлөштө ҡыҫҡартыу өсөн бюджеттан тыш средстволар эҙләп табырға һәм йәлеп итергә саҡырҙы.

#бр хөкүмәте #ултырыштар #төҙөлөш

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.