Башҡортостандың Контроль-иҫәп палатаһы федераль кимәлдә юғары баһа алды

Мәскәүҙә Рәсәй Контроль-иҫәп органдары ассоциацияһының XVI конференцияһы үтте. Иҡтисадты модернизациялау һәм милли именлек стратегияһын тәьмин итеү шарттарында Ассоциацияның 10 йылдағы эш йомғаҡтары һәм уның эшмәкәрлегенең төп йүнәлештәре тикшерелде.

Конференцияла Рәсәй Иҫәп палатаһы рәйесе, Рәсәй Контроль-иҫәп органдары ассоциацияһы рәйесе Сергей Степашин, РФ Хөкүмәте Рәйесе урынбаҫары — финанс министры Алексей Кудрин, Федерация Советы Рәйесенең беренсе урынбаҫары Александр Торшин, Дәүләт Думаһы рәйесе урынбаҫары Надежда Герасимова, Федераль казначейство етәксеһе урынбаҫары Станислав Прокофьев, Федерация Советының Иҫәп палатаһы менән үҙ-ара хеҙмәттәшлек буйынса комиссияһы рәйесенең беренсе урынбаҫары Константин Сурков һәм башҡалар ҡатнашты.

Рәсәй Контроль-иҫәп органдары ассоциацияһы республикабыҙ аудиторҙары эшенә юғары баһа бирҙе. БР Контроль-иҫәп палатаһы рәйесе Салауат Харасовҡа Ассоциацияның Почет грамотаһы тапшырылды.