Мәскәүҙә Рәсәйҙең иң яҡшы эшҡыуарҙарын һайлаясаҡтар

«Башҡортостан Республикаһының йәш иң яҡшы йыл эшҡыуары» конкурсында еңеүселәр йыл һайын үткәрелеп килгән II «Йылдың иң яҡшы йәш эшҡыуары» премияһы лауреаттарын наградлау тантанаһында ҡатнашасаҡ. Сара кесе йома, 9 декабрҙә, 19 сәғәттә Мәскәүҙә Үҙәк эшҡыуарҙар йортонда үткәрелә. Бында илдең төрлө төбәктәренән Рәсәйҙең иң яҡшы йәш эшҡыуарҙары йыйыласаҡ.

Хәтерегеҙгә төшөрәбеҙ, был премия сиктәрендә быйыл 1 октябрҙә Өфөлә конкурстың БР буйынса Йәш эшҡыуарҙар ассоциацияһы (рәйесе Илдар Сөйөшев)инициативаһы менән ойошторолған төбәк этабы үткәрелде. Төрлө номинацияларҙа еңеүсе исеменә Башҡортостандың ун йәш эшҡыуары лайыҡ булды. Гран-приҙы Эдуард Мәүлиханов («Салауат катализатор заводы» яуаплылығы сикләнгән йәмғиәте) алды. Хәҙер уның алдында Рәсәйҙең иң яҡшы йәш эшҡыуары исеме өсөн көрәшеү бурысы тора.