Өфө аэропорты «Йыл компанияһы 2010» Рәсәй Милли премияһы лауреаты булды

Любовь Колоколова

«Өфө» Халыҡ-ара аэропорты «Йыл компанияһы 2010» Рәсәй Федерацияһы Милли премияһы лауреаты булды. Лауреаттарҙы наградлау тантанаһы шишәмбе, 7 декабрҙә, Мәскәүҙә, Союздар йортоноң Колонналы залында үткәрелде.

Рәсәй Транспорт министрлығы һәм Федераль һауа транспорты агентлығы (Росавиация) премияға дәғүә итеүгә өс интенсив үҫешеүсе авиапредприятиены, шул иҫәптән «Өфө» аэропортын, күрһәтте. Премия халыҡ-ара статусҡа эйә, уның маҡсаты булып Ватан баҙарында эшләүсе компаниялар эшмәкәрлегенә Рәсәй йәмәғәтселегенең һәм донъя бизнес-берләшмәһенең иғтибарын йәлеп итеү, Рәсәй иҡтисадын нығытыуға , халыҡтың көнкүрешен яҡшыртыуға, ватан компанияларының инвестицион йәлеп итеүсәнлеген күтәреүгә, илдең донъя иҡтисади системаһына интеграцияһына булышлыҡ итеү тора..

Лауреатты билдәләү ике этапта үтте. Дәүләт власы, бизнес һәм йәмәғәтселек вәкилдәренән тораған эксперт советы ағзаларының йәшерен тауыш биреүе һөҙөмтәһендә «Өфө» Халыҡ-ара аэропорты лауреат тип танылды.

Мәғлүм булыуынса, быйыл ғына Сибай һәм Нефтекама аэропорттары файҙаланыуға тапшырылды, «Арҡайым» авиакомпанияһы төҙөлдө, һауа суднолары һатып алынды, улар бөтә йүнәлештәр буйынса уңышлы авиарейстар яһай. Өфө аэропортынан самолеттар пассажирҙарҙы Рәсәй төбәктәренә, яҡын һәм алыҫ сит илдәргә еткерә, пассажирҙар ағымы йылдам арта бара, яңы рейстар асыла.

— «Йыл компанияһы 2010» РФ Милли премияһы — Өфө аэропортына рухи ярҙам һәм профессиональ ҡаҙаныштарын таныу ғына түгел, уның репутацияһын арттырыу ҙа, — тине наградлау тантанаһында журналистарға интервьюла РФ транспорт министры урынбаҫары Валерий Окулов.

#транспорт #авиация

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.