92.13
-0.37
Башҡортостан һәм Өфө яңылыҡтары
98.71
-0.2
87.8
-0.1
9+ °C
Болотло
Бөтә яңылыҡтар
Иҡтисад
2 Декабрь 2010, 13:06
Башҡортостан ҡоролоҡ эҙемтәләрен бөтөрөүгә өҫтәмә федераль транш аласаҡ
Ҡоролоҡ эҙемтәләрен бөтөрөүгә федераль ҡаҙнанан Башҡортостан ағымдағы йылдың сентябрь башында 3 миллиард 88 миллион һум күләмендә бюджет кредиты алды.
Рәсәй Ауыл хужалығы министрлығы рекомендацияһы буйынса, күрһәтелгән сумманың 35 проценты (1 миллиард 80 миллион һум) миҙгелле ауыл хужалығы эштәрен үткәреүгә субсидиялар биреүгә йүнәлтелде. Бюджет кредитының ҡалған өлөшө ауыл хужалығы тауарҙары етештереүселәренең мал аҙығы әҙерләү, һатып алыуға киткән сығымдарын компенсациялауға китте.
Быға өҫтәп, Рәсәй Хөкүмәте Бойороғо, БР Хөкүмәте һәм РФ Финанс министрлығы араһындағы Килешеү менән, ҡоролоҡтан зыян күргән төбәктәр бюджетының тигеҙлеген тәьмин итеү буйынса сараларға ярҙам итеү маҡсатында республикаға 459,045 миллион һум күләмендә федераль бюджеттан дотациялар бүленде.
Башҡортостан Хөкүмәте ҡарары менән субсидиялар биреү тәртибе билдәләнгән, һәм улар, страховкаланған һәләк булған ауыл хужалығы культуралары майҙанының 1 гектарына - 365 һум һәм страховкаланмаған 1 гектарға 352 һум ставкаһынан сығып, шунда уҡ зыянды ҡаплауға йүнәлтелгән.
Яҡын арала РФ Хөкүмәте төбәктәргә йәнә бер транш йүнәлтергә ниәтләй. Башҡортостанға 406 миллион һум бүлеү ҡаралған.
Өҫтәмә рәүештә 2010 йылдың дүртенсе кварталында федераль бюджеттан республика ҡаҙнаһына түбәндәге суммалар күсте:
— бер йылға иҫәп тотоп алынған кредит һәм займдар буйынса проценттарҙы түләүгә киткән сығымдарҙың бер өлөшөн ҡаплауға 85 миллион һум субсидия;
— минераль ашламалар һатып алыуға 29,294 миллион һум;
— йәш белгестәргә һәм граждандарға «Ауылдың социаль үҫеше» программаһы буйынса торлаҡ һатып алыуға 14,8 миллион һум субсидия.
Бынан тыш «2009 — 2012 йылдарға Башҡортостан Республикаһының ит малсылығын үҫтереү» маҡсатлы тармаҡ программаһы сараларын ҡушма финанслауға 138 миллион һум күләмендә аҡса бүлеү планлаштырыла, тип хәбәр итә БР Хөкүмәтенең матбуғат хеҙмәте.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».