Башҡортостанда комплекслы транспорт программаһы эшкәртеләсәк

"Башинформ"

29 ноябрҙә Башҡортостан Президенты Рөстәм Хәмитов республика Хөкүмәтенә Өфөлә һәм төбәктең башҡа ҡалаларында транспорт ағымын ҡулайлаштырыуҙың комплекслы программаһын эшләргә ҡушты.

Рөстәм Хәмитовтың фекеренсә, пассажирҙар ташыу өлкәһендә тәртип булдырырға, туҡталыштар эргәһендә йәмәғәт транспортының ҡулай хәрәкәтен ойошторорға һәм автомобиль туҡталҡаларын күберәк төҙөргә кәрәк.

«Мин Өфө буйлап ярайһы уҡ йыш йөрөйөм, һәм төрлө маршруткалар, туҡталыштарҙа тығындар, көсөргәнешлелек күҙгә ташлана. Сипайлово менән Димдәге тығындарҙы яйға һалыуҙы һорайым. Кешеләр яфа сигә! Биҫтәләрҙән сәғәттәр буйы сығырға тура килә», — тине республика башлығы, Хөкүмәт ағзаларына мөрәжәғәт итеп.

Рөстәм Хәмитов парковкалау урындары булмауына иғтибар йүнәлтте. Улар етешмәү арҡаһында автоһәүәҫкәрҙәр Өфөнөң үҙәк урамдарын туҡталҡаға әүерелдергән, был автобустар хәрәкәтен һәм коммуналь хеҙмәттәр эшен ҡыйынлаштыра. Президент ҡала эсендә ер хаҡының ҡиммәт булыуына ҡарамаҫтан, туҡталҡалар төҙөүҙе дауам итергә кәрәк, тип һыҙыҡ өҫтөнә алды.

Ул шулай уҡ, әле Өфөлә лә Мәскәүҙәге хәрәкәтте тотҡарлаған проблемалар менән осраштыҡ, тине.

«Беҙҙә лә Мәскәүҙәге кеүек үк проблемалар. Әгәр ваҡытында хәл итмәһәк, улар артҡандан-арта барасаҡ. Эшкә тотоноғоҙ!» — тип белдерҙе Рөстәм Хәмитов.

Шулай уҡ Башҡортостан ҡалаларында таксиҙы үҫтереү буйынса айырым программа эшләү талап ителә. Әле баҙарҙа ҙур урынды легаль булмаған ташыусылар биләй. Улар йыш ҡына иҫке автотранспортта эшләй. Рөстәм Хәмитов ошо өлкәләге алдынғы тәжрибәне өйрәнеү һәм заманса талаптарға яуап биргән такси хеҙмәтен ойоштороу бурысын ҡуйҙы.

Президент бойороғона ярашлы, Башҡортостан Хөкүмәте Премьер-министры урынбаҫары Сергей Афонин һәм Өфө хакимиәте башлығы Павел Качкаев транспорт ағымын көйләү буйынса саралар комплексын эшләү менән шөғөлләнәсәк.

«Әгәр нимәлер килеп сыҡмай икән, башҡа варианттарҙы һынап ҡарарға кәрәк. Иң мөһиме – эшләргә кәрәк. Мәҫәлән, йөк ташыуҙы һәм урамдарҙы ҡарҙан таҙартыуҙы төндә лә башҡарырға мөмкин бит», — тине Рөстәм Хәмитов.

#бр президенты #бр хөкүмәте #транспорт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.