69.81
+0.26
81.03
+0.33
83.74
-0.84
1+ °C
Болотло
Бөтә яңылыҡтар
Иҡтисад
29 Ноябрь 2010, 11:45

Өфөнән Шарм-эль-Шейхка тағы бер рейс асыла

«Скай Экспресс» (Sky Express) авиакомпанияһы быйыл 10 декабрҙән Шарм-эль-Шейхка рейстар аса. Ул Мысырҙың иң популяр курортына үҙе өсөн яңы чартер рейсын индерә, унда бөтә яр буйлап ҡомло пляждар һуҙылып киткән, ә инде һыу аҫтында йөҙөргә яратыусылар өсөн бында үҙе бер ожмах.
«Өфө» Халыҡ-ара аэропорты” матбуғат үҙәге хәбәр итеүенсә, «Скай Экспресс» авиакомпанияһы рейсты 10 көнгә бер тапҡыр пассажирҙар өсөн уңайлы ваҡытта башҡарырға планлаштыра: Өфөнән урындағы ваҡыт менән 06 сәғәт 10 минутта осасаҡ, курорт ҡалаһы аэропортына Мысыр ваҡыты менән 08 сәғәт 40 минутта барып етәсәк.
Өфө аэропортынан «Өфө — Шарм-эль-Шейх» рейсын өс көнгә бер тапҡыр йышлыҡта «Ырымбур авиалиниялары» авиакомпанияһы башҡара.
Автор:Любовь Колоколова