Рөстәм Хәмитов: Федераль холдингылар менән мөнәсәбәттәр партнерлыҡ позицияларында ҡорола

«Башинформ»

«Эксперт» журналының һуңғы һанында «Бизнес өсөн ыңғай сигналдар» тигән баш аҫтында Башҡортостан Президенты Рөстәм Хәмитовтың интервьюһы баҫылған.

«Башҡортостанда яңы элиталар ойоштороу бара, һәм был президентты алмаштырыу менән генә бәйләнмәгән. Төп сәбәптәрҙең береһе — бында федераль холдингылар барлыҡҡа килеү, уның составына хәҙер республиканың иң ҙур предприятиелары инә, — тип яҙа «Эксперт» журналы. Республика башлығының улар менән мөнәсәбәттәре нисек төҙөлә һуң? «Эксперт»тың был һорауына яуап биреп, Рөстәм Хәмитов шулай тине:

— Республикала күптән түгел ҙур холдингылар эшләй башланы: «Система» АФК-һы, «Газпром», «Сибур», «Башҡортостан химияһы», Урал тау-металлургия компанияһы. Уларҙың килеүе — асыҡ һәм аңлайышлы тенденция. Шул уҡ ваҡытта төбәк етәкселеге алмашыныу — был улар өсөн дә яңы хәл. Мин бөтә был холдингылар етәкселәре менән осраштым. Һәм беҙ үҙ-ара конструктив хеҙмәттәшлек итеү, мөнәсәбәттәребеҙҙе үҫтерә барыу тураһында һөйләшеп килештек. Ҙур предприятиеларҙың бөтә етәкселәре лә һәм уларҙың милекселәре республиканың яңы етәкселеге менән үҙ-ара файҙалы шарттарҙа эшләргә әҙер булыуҙарын белдерҙе. Һәм беҙ бөгөн әлеге хәлде теркәп кенә ҡалмайбыҙ, шулай уҡ республика территорияһында был холдингларҙың бизнесын нисек итеп үҫтереү хаҡында уйлайбыҙ, — тип яуап бирә Рөстәм Хәмитов.

Мәҫәлән, «Система» менән мәғлүмәт технологиялары, элемтә өлкәһендә уларҙың эшмәкәрлеген үҫтереү, Башҡортостан территорияһында һаулыҡ һаҡлау объекттары һәм ял үҙәктәре төҙөү тураһында һөйләшеп килештек. Благовещен ҡалаһында урынлашҡан «Полиэф» комплексы хужаларының береһе – «Сибур» бизнес-инкубатор һәм бер үк ваҡытта технопарк төҙөй. Урал тау-металлургия компанияһы яңы шахталар төҙөлөшөн алып бара, уларға инвестициялар бер нисә миллиард һумдан ашып китә.

— Бөтә федераль холдингылар республикала спорт комплекстары, һаулыҡ һаҡлау объекттары, социаль-мәҙәни үҙәктәр төҙөү кеүек байтаҡ социаль мәсьәләләрҙе хәл итә. Шулай итеп, улар менән мөнәсәбәттәр партнерлыҡ позицияларында ҡорола, — тип һүҙен йомғаҡлай республика башлығы.

#башҡортостан президенты #интервью #сәнәғәт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.