Илдар Әминев: Ер мәсьәләһе бөтә ил өсөн мөһим

Рәсүл Хәмиҙуллин | фото: Андрей Старостин

Ер мәсьәләһе буйынса ғилми-ғәмәли конференцияның төп мәсьәләләренең береһе булып ер ресурстарын һөҙөмтәле файҙаланыу торасаҡ. Ул 2-3 декабрҙә Өфөлә БР Президенты ҡарамағындағы Башҡортостан дәүләт хеҙмәте һәм идара итеү академияһы базаһында үтәсәк. Был турала «Башинформ» агентлығында үткәрелгән матбуғат конференцияһында БР ер һәм милек мөнәсәбәттәре министры урынбаҫары Илдар Әминев хәбәр итте.

Уның һүҙҙәренә ҡарағанда, алда торған ҙур сара күп кенә ер менән файҙаланыу проблемаларын күтәрергә тейеш.

— Бөгөн был өлкәлә хәл итәһе мәсьәләләр һәм ҡыйынлыҡтар күп, — тип билдәләне Илдар Әминев. – Улар араһында ер тураһында закондарҙың камил булмауы, кадастр баһалауы проблемалары, һалым һалыу һәм башҡалар мөһим урын биләй. Ер мәсьәләһе бөтә ил өсөн бик актуаль. Ер һәм милек мөнәсәбәттәренең ҡайһы бер йүнәлештәрендә республикабыҙ башҡа төбәктәрҙән алда бара. Әммә проблемалар ҙа етерлек, һәм уларҙы күтәрергә кәрәк тә.

Ғилми-ғәмәли конференция БР Президенты Хакимиәте, республика Хөкүмәте, шулай уҡ ҡайһы бер министрлыҡтар һәм ведомстволар ярҙамында үткәреләсәк. Сарала Башҡортостан һәм күрше өлкәләрҙән, шулай уҡ Мәскәүҙән төҙөлөш һәм баһалау компаниялары, дәүләт, муниципаль власть вәкилдәре, ер мәсьәләһе буйынса белгестәр ҡатнашасаҡ, тип көтөлә.

Конференция өс блока бүленәсәк. Уның сиктәрендә кадастр баһалауы һәм һалым һалыу, киң мәғлүмәттәр базаһы, ҡала төҙөлөшө закондары буйынса ер участкалары бүлеү процедураһы кеүек темалар тикшереләсәк.

Конференциянан һуң Башҡортостанда ер һәм милек мөнәсәбәттәрен үҫтереү концепцияһы эшләнәсәк, тип планлаштырыла. Унда конференцияның ер ресурстарын файҙаланыу һөҙөмтәлелеген күтәреүгә йүнәлтелгән рекомендациялар сағылдырыласаҡ.

1 из 10

#ер һәм милек мөнәсәбәттәре #матбуғат конференциялары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.