Башҡортостан федераль бюджеттан ауыл халҡы өсөн торлаҡҡа 14,8 млн. һум аҡса аласаҡ

"Башинформ"

2010 йылда Рәсәй субъекттарына «2012 йылға тиклем ауылдарҙың социаль үҫеше» Федераль маҡсатлы программаһы сараларын тормошҡа ашырыуға ҡаралған субсидияларҙың яңы күләмдәре раҫланды.

Быйыл уны тормошҡа ашырыуға Башҡортостанда башта 697 миллион 519 мең һум аҡса йүнәлтергә планлаштырылғайны, шул иҫәптән РФ бюджетынан – 299 миллион 552 мең һум, БР бюджетынан – 256 миллион 590 мең һум, бюджеттан тыш средстволарҙан – 141 миллион 379 мең һум. Был 2009 йыл кимәлендә.

Средстволар ауыл ерендә йәшәгән граждандарҙың торлаҡ шарттарын яҡшыртыу, йәш ғаиләләрҙе һәм йәш белгестәрҙе торлаҡ менән тәьмин итеү, ауыл ерендә газ үткәреү, һыу үткәргестәр һәм фельдшер-акушер пункттары (ФАП) төҙөү өсөн тәғәйенләнгән. Мәҫәлән, Федераль маҡсатлы программа сиктәрендә бүленгән средстволарға дүрт ФАП – Әбйәлил һәм Мәләүез райондарында икешәр төҙөләсәк.

Быйыл ауылдарҙан 428 ғаилә, шуларҙан 267-һе йәш ғаилә, күрһәтелгән федераль программа буйынса торлаҡ шарттарын яҡшыртыуға дәүләт ярҙамы алды.

Торлаҡ шарттарын яҡшыртыуға мохтаж йәш ғаиләләрҙең байтаҡ булыуы менән бәйле, БР Ауыл хужалығы министрлығы ағымдағы йылға сығымдарҙы финанслауҙы арттырыу тураһында мәсьәлә әҙерләне.

Был маҡсаттарға федераль бюджеттан өҫтәмә рәүештә 14 миллион 800 мең һум аҡса бүленде. Был тағы ла 43 ауыл ғаиләһенә, шуларҙан 40-ы – йәш ғаиләләр һәм йәш белгестәр ғаиләләре, торлаҡ шарттарын яҡшыртырға мөмкинлек бирәсәк, тип хәбәр итә республика Хөкүмәте матбуғат хеҙмәте.

#ауылдың социаль үҫеше #субсидиялар #йәш ғаиләләр #торлаҡ шарттарын яҡшыртыу

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.