Башҡортостан һәм Өфө яңылыҡтары
53.77
0
56.36
0
112.87
+1.24
11+ °C
Болотло
Бөтә яңылыҡтар
Иҡтисад
21 Октябрь 2010, 18:00

Башҡортостан аграрийҙары орлоҡһоҙ ҡалмаясаҡ

Республика аграрийҙары ҡаты ҡоролоҡ арҡаһында Башҡортостандың яҙғы сәсеү орлоҡтарына талабын тәьмин итә алманы. Сәсеү кампанияһын уңышлы үткәреү өсөн бөтәһе 283 мең тонна орлоҡ кәрәк. Әлеге ваҡытта хужалыҡтарҙа ни бары 230 мең тонна ғына бар.
— Ауыл эшсәндәребеҙ орлоҡһоҙ ҡалмаясаҡ, — тип ышандырҙы прогрессив үҫемлекселек технологиялары бүлегенең баш агрономы Таһирйән Мөхәмәтзиев. – Башҡа төбәктәрҙән орлоҡ материалы алыу тураһында һөйләшеп килешелгән. Атап әйткәндә, Ҡурған, Свердловск, Омск, Новосибирск өлкәләре, Алтай крайы предприятиелары менән орлоҡ һатып алыуға килешеүҙәр төҙөлгән.
БР Ауыл хужалығы министрлығы белгестәре орлоҡ килтереүҙе контролдә тота, сорттар буйынса кәрәкле рекомендациялар бирә. Бөгөн республикаға 5 мең тоннанан ашыу орлоҡ килтерелгән. Орлоҡ игене «Башагропродукт» дәүләт унитар предприятиеһына килтереләсәк. Республика ихтыяждары өсөн ул 25 мең тонна иген туплаясаҡ.
Бынан тыш, башҡа культуралар, шул иҫәптән күп йыллыҡ үләндәр орлоҡтары менән тәьмин итеү тураһында ла һөйләшеп килешелгән.
Автор:Ғәлиә Нәбиева
Читайте нас в