Ҡош тиҙәген эшкәртеүҙең уникаль технологияһы Ҡытайға китеүе ихтимал

Светлана Ғәфүрова

Башҡортостандың ҙур ҡошсолоҡ фабрикаларында тәүлегенә бөтәһе 400 тоннаға тиклем ҡош тиҙәге йыйыла. Ҡош тиҙәге – 3 класлы хәүефлелектәге ағыулы продукт. Ҡағиҙә булараҡ, ул баҫыуҙарға сығарыла һәм шунда туҙып ята.

Белгестәр раҫлауынса, был ҙур экологик проблема, ул республикала йәшәүсе һәр кешегә ҡағыла. Ҡош тиҙәге менән ер бысрана. Ә йыш ҡына ятып өлгөрә төшмәгән тиҙәкте хәүефле ҡалдыҡтар менән эшләү хоҡуғына лицензияһы булмаған ҙур теплица хужалыҡтарында ашлама булараҡ файҙаланалар. Тиҙәк менән бергә теплица йәшелсәләренә ҙур күләмдә патоген (ауырыу барлыҡҡа килтереүсе) микробтар һәм антибиотиктар эләгә, был, әлбиттә, төбәк халҡының һаулығында сағылмай ҡалмай. Был проблема әлегә хәл ителмәгән.

Шулай ҙа ул хәл итерлек. Өфөлө Владимир Чирков ҡош-ҡорт һәм сусҡа тиҙәген үҙенсәлектәре буйынса биогумусҡа тиң органик ашлама итеп эшкәртеүсе уникаль технология уйлап тапҡан. 15 минут эсендә гидро-динамик генератор аша үткәрелгән ҡош-ҡорт тиҙәге, биогумустың бөтә сифаттарына эйә булып, барлыҡ патологик матдәләрҙән һәм антибиотиктарҙан арына. Технология Агрохимүҙәктә һәм Роспотребнадзорҙың БР буйынса идаралығында тикшерелде. Ҡош-ҡорт тиҙәген генераторҙа эшкәртеү һөҙөмтәһендә алынған продукт ағыуһыҙ, зыянһыҙ һәм файҙалы сифаттарға эйә тип танылды.

11 квт. ҡеүәтле генератор бер сәғәттә бер тонна ҡош тиҙәген эшкәртергә һәләтле.

Әммә Чирковтың новаторлыҡ технологияһы урындағы ауыл хужалығы чиновниктарын ҡыҙыҡһындырманы. Ә бына Ҡытай был технология менән бик ныҡ ҡыҙыҡһынды һәм уны уйлап табыусынан һатып алырға йыйына.

#экология #һаулыҡ #инновациялар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.