«Химпром» ябылды, әммә диоксиндар ҡалды

Светлана Ғәфүрова

90-сы йылдар башында Өфөләге фенол катастрофаһынан һуң (ул саҡта фенол эсәр һыуға рөхсәт ителгән концентрациянан күп тапҡырға күберәк эләккәйне) «йәшелдәр» саң ҡаға башланы. Экологик катастрофа сәбәпсеһе булған «Химпром» заводында фенолдан тыш бик күп диоксин да тупланыуы асыҡланды. Диоксиндар – абсолют ағыу, ул тере организмда тарҡалмай, ә уны үлтереп, йыйыла бара. «Химпром»да, айырыуса 2,4Д гербициды етештерелгән 19-сы цех территорияһы эргәһендә тупланған диоксиндар күләме Италияның ҙур экологик катастрофа зонаһы тип иғлан ителгән Севезо ҡалаһындағы диоксиндар күләме менән сағыштырырлыҡ.

Йәмәғәтселек баҫымы аҫтында завод аҡрынлап үҙ эшмәкәрлеген кәметә башланы, ә 2000-се йылдар башында БР Хөкүмәте ҡарары менән завод тулыһынса туҡтатылды.

2008 йылда предприятие территорияһын санациялау башланды.

12 - 14 октябрҙә Өфөлә үткән Экологик форумда «Башҡортостан Республикаһының йәшәйеш именлеге ғилми-тикшеренеү институты» дәүләт унитар предприятиеһы директоры Фаиз Хизбуллин «Химпром» биләмәһен диоксиндар һәм башҡа ағыулаусы матдәләр булыуға тикшереү һөҙөмтәләре тураһында һөйләне. Завод территорияһындағы 10 скважинанан алынған тупраҡты тикшереү тупраҡ өҫтөндә диоксин элеккесә ҙур күләмдә булыуын күрһәтте — бер килограмға 10 мең нанограмға тиклем. Рәсәйҙә диоксиндар буйынса нормативтар эшләнмәгән. АҠШ-та бер килограмға 100 нанограмға тиклем рәхсәт ителә. Шулай итеп, тупраҡҡа анализдар, «Химпром»ды ябыуға ҡарамаҫтан, Өфөлә диоксиндар проблемаһы аҙағынаса хәл ителмәүен күрһәтте.

Был хәлдә ҡала өсөн иң хәүефлеһе – завод районында ер аҫты һыуҙары бик тәрәндә ятмай, ер өҫтөнән 1-3 метр тәрәнлектә генә, тимәк, уларға диоксин эләгеү һәм уның завод территорияһынан артабан таралыу ҡурҡынысы ҡала.

1 из 2

#экология

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.