Башҡортостан энергетиктары йылылыҡ бирергә әҙер

Рәсүл Хәмиҙуллин

Башҡортостандағы хужаһыҙ электр селтәрҙәре мәсьәләһен 2012 йыл аҙағына тиклем хәл итеү планлаштырыла. Был турала БР Хөкүмәтендәге ултырышта «Башкирэнерго» асыҡ акционерҙар йәмғиәтенең генераль директоры Алексей Доронин белдерҙе. БР Президенты Рөстәм Хәмитов, республикала хеҙмәтләндерелмәгән электр селтәренә тоташтырылған эре тораҡ пункттар күп, тип белдерҙе.

Алексей Доронин һүҙҙәренсә, байтаҡ хужаһыҙ селтәрҙәрҙе тергеҙеү һәм уларҙы предприятие балансына ҡабул итеү графигы киренән ҡаралған. Иң ауыр хәл Белорет районында күҙәтелгән. Унда республика бюджетынан өҫтәп 68 миллион һум бүленгән. Әле эштәр әүҙем бара.

— Быйыл хужаһыҙ селтәрҙәрҙе тергеҙеүгә 138 миллион һум үҙләштереләсәк, — тип һыҙыҡ өҫтөнә алды Доронин. - Әммә был ғына етмәй. Был проблеманы ике йыл эсендә хәл итер өсөн 436 миллион һум кәрәк.

«Башкирэнерго» асыҡ акционерҙар йәмғиәте етәксеһе һыу һаҡлағыстарҙың һыуын ҡулланыу тураһында ла һөйләне. Һыу идаралығы менән килешеп эшләнгән графиктар теүәл күҙәтелә.

— Ташҡындар башланыуға Павловка һыу һаҡлағысы буйынса күрһәткесте - 131 метрға, Йомағужа һыу һаҡлағысы буйынса 232 метрға еткерербеҙ, тип ышанам, — тип билдәләне Алексей Доронин.

«Башкирэнерго»ның бөгөнгө көндә запаста 118 мең тонна мазуты һәм 88 мең тонна күмере бар. Былар барыһы ла нормативтан бер нисә тапҡырға артығыраҡ.

Йылылыҡ-энергетика ҡорамалдарын ремонтлауға килгәндә иһә, ул график буйынса бара. Бөгөнгө көндә филиалдарҙа әҙерлек тикшереүҙәре алып барыла. Шуларҙың дүртеһе көҙгө-ҡышҡы осорға әҙерлек паспорты алған. Йылылыҡ магистралдәрен һәм кварталдағы селтәрҙәрҙе ремонтлау тамамланған. Улар барыһы ла миҙгелгә әҙер. Сибайҙа, Стәрлетамаҡта, Ағиҙелдә һәм Нефтекамала йылы бирелә башлаған.

—Ремонт фонды буйынса һорауҙар юҡ, — тине Доронин. — Әммә ҡорамалдар иҫкерә. Шуға күрә 2011 йылда «Башкирэнерго» буйынса ремонт фонды 27 процентҡа арттырыласаҡ.

Предприятие алдындағы дебитор бурыс 2520 миллион һум тәшкил итә. Шуларҙан электроэнергияға — ике миллиард, йылылыҡ энергияһына — 520 миллион. Торлаҡ-коммуналь сектор буйынса сумма 590 миллион һум тәшкил итә. Бурыс кәмей бара. Йыл аҙағына 1800 миллион һум самаһы суммаға сығыу планлаштырыла.

1 из 2

#ултырыштар #бр хөкүмәте #көҙгө-ҡышҡы осор #энергетика

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.